குடிநீர் கிடைக்காமல் மக்கள் அவதி

களக்காடு யூனியன் கீழக்காடுவெட்டி ஊராட்சி அப்பர்குளம், தெற்கு அப்பர்குளம், சிங்குளம் ஊராட்சி நடுவக்குளம், புதுக்குளம், மலையடி, தச்சன்குளம், இந்திராநகர் ஆகிய பகுதிகளுக்கு சிங்கிகுளம் பம்பிங் நிலையத்தில் இருந்து ஆற்றுத்தண்ணீர் வருகிறது. ஆனால், கடந்த 10 நாட்களாக தண்ணீர் வரவில்லை. இதனால் மக்கள் தண்ணீர் கிடைக்காமல் அவதிப்படுகின்றனர். எனவே, அதிகாரிகள் அந்த பகுதிகளுக்கு குடிநீர் வழங்க உடனடியாக நடவடிக்கை எடுக்குமாறு கேட்டுக்கொள்கிறேன்.