குடிநீர் தட்டுப்பாடு

தஞ்சை மாவட்டம் பூதலூர் தாலுகா தொண்டராயன்பாடி கிராமத்தில் உள்ள வீடுகளுக்கு குடிநீர் இணைப்புகள் வழங்கப்பட்டுள்ளன. இந்த நிலையில் கடந்த சில வாரங்களாக வீடுகளில் உள்ள குடிநீர் குழாய்களுக்கு முறையாக தண்ணீர் வருவதில்லை. இதனால் அந்த பகுதியில் குடிநீர் தட்டுப்பாடு ஏற்பட்டுள்ளது. இதன்காரணமாக பொதுமக்கள் குடிநீருக்காக நீண்ட தூரம் செல்ல வேண்டிய நிலை ஏற்பட்டுள்ளது. மேலும், குடிநீர் குழாய்களுக்கு வரும் குடிநீர் மின்மோட்டார்கள் மூலம் உறிஞ்சப்படுகிறது. எனவே, சம்பந்தப்பட்ட அதிகாரிகள் மேற்கண்ட பகுதியில் உள்ள பொதுமக்களுக்கு முறையான குடிநீர் கிடைக்க நடவடிக்கை எடுப்பார்களா?