கலங்கலாக வரும் குடிநீர்

திருச்சி மாவட்டம், துறையூர் வட்டம், உப்பிலியபுரம் பேரூராட்சிக்கு உட்பட்ட 3-வது வார்டு பகுதியில் ஏராளமான பொதுமக்கள் வசித்து வருகின்றன. இப்பகுதியில் உள்ள மக்களுக்கு காவிரி கூட்டு குடிநீர் வழங்கப்பட்டு வருகிறது. இந்த நிலையில் இப்பகுதியில் உள்ள அண்ணா சிலைக்கு பின்புறம் அமைக்கப்பட்டுள்ள குடிநீர் குழாயில் உடைப்பு ஏற்பட்டு கடந்த சில நாட்களாக கலங்கலான குடிநீர் வருகிறது. இதனால் இப்பகுதி மக்கள் இந்த நீரை குடிப்பதற்கு பயன்படுத்த முடியாத நிலை ஏற்பட்டுள்ளது. எனவே இது குறித்து சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம்.