தொட்டியில் இருந்து தண்ணீர் வினியோகம்

திருப்பூர் மாநகராட்சி 46-வது வார்டு யாசின் பாபு நகர் பகுதி, மஸ்ஜித் தெரு முதல் மூன்று வீதியிலும் தண்ணீர் வினியோகம் செய்ய பிளாஸ்டிக் குடிநீர் தொட்டி வைக்கப்பட்டது. ஆனால் தொட்டி இருந்ததே தவிர, அதில் தண்ணீர் நிரப்பி பொதுமக்களுக்கு வினியோகம் செய்யப்படவில்லை. இது குறித்து 'தினத்தந்தி' புகார் பெட்டி பகுதியில் செய்தி பிரசுரமானது. இதையடுத்து மாநகராட்சி அதிகாரிகள் அந்த தொட்டியில் தண்ணீர் நிரப்ப நடவடிக்கை எடுத்தனர். அதன்படி தண்ணீர் நிரப்பப்பட்டு வினியோகம் செய்யப்பட்டது. இதனால் அந்த பகுதி பொதுமக்கள் தினத்தந்திக்கும், மாநகராட்சி அதிகாரிகளுக்கும் நன்றி தெரிவித்தனர்.