சரக்கு வாகனங்களால் போக்குவரத்து நெரிசல்

திருப்பத்தூர் சின்னக்கடை தெருவில் ஏராளமான வணிக நிறுவனங்கள், கடைகள் அமைந்துள்ளன. இந்தக் கடைகளுக்கு பொருட்களை ஏற்றி இறக்குவதற்காக லாரிகள் எந்த நேரமும் வந்து செல்கின்றன. இதனால் அந்தத் தெருவில் காலை, மாலை நேரங்களில் கடுமையான போக்குவரத்து நெரிசல் உள்ளது. போக்குவரத்து நெரிசலால் பள்ளி மாணவ-மாணவிகள், பொதுமக்கள் பாதிக்கப்படுகின்றனர். எனவே சின்னக்கடை தெருவில் குறிப்பிட்ட நேரங்களில் மட்டுமே சரக்கு வாகனங்கள் வந்து செல்ல அனுமதியளிக்க வேண்டும்.

-தட்சிணாமூர்த்தி, திருப்பத்தூர்.