லாரிகளால் போக்குவரத்து நெரிசல்

திருப்பத்தூர் பஜார் பகுதியில் உள்ள சின்னக்கடை தெரு, பெரியகடை தெரு பகுதியில் ஏராளமான கடைகள் உள்ளன. இந்தக் கடைகளுக்கு சரக்குகளை இறக்குவதற்காக வரும் கனரக வாகனங்கள் எந்த நேரத்திலும் வந்து கொண்டு இருப்பதால் சாலையில் வரிசையாக லாரிகளை நிறுத்தி விடுகின்றனர். இதனால் அப்பகுதியில் எந்த நேரமும் போக்குவரத்து நெரிசல் காணப்படுகிறது. இருசக்கர வாகனத்தில் செல்பவர்கள் கூட அந்தச் சாலையில் செல்லமுடியாத நிலை உள்ளது. எனவே பஜார் பகுதிக்குள் குறிப்பிட்ட நேரத்தில் மட்டுமே லாரிகள் வந்து செல்லும் வகையில் போலீசார் நடவடிக்கை எடுக்க வேண்டும்.

-தட்சிணாமூர்த்தி, திருப்பத்தூர்.