புகார் பெட்டி செய்தி எதிரொலி

நெல்லை சந்திப்பில் இருந்து வீரவநல்லூர் அருகே உள்ள திருப்புடைமருதூருக்கு தினமும் காலை, மாலையில் இயங்கி வரும் அரசு பஸ் சரியான நேரத்துக்கு வருவது இல்லை என்றும், இதனால் பள்ளி, கல்லூரி மாணவர்கள், வேலைக்கு செல்வோர் மிகவும் சிரமப்படுவதாகவும் திருப்புடைமருதூரை சேர்ந்த ராதாகிருஷ்ணன் 'தினத்தந்தி' புகார் பெட்டிக்கு அனுப்பிய பதிவு செய்தியாக பிரசுரமானது. இதன் எதிரொலியாக தற்போது அரசு பஸ் சரியான நேரத்துக்கு வந்து செல்கிறது. இதற்கு உறுதுணையாக இருந்த 'தினத்தந்தி'க்கும், நடவடிக்கை எடுத்த அதிகாரிகளுக்கும் அவர் நன்றியும், பாராட்டும் தெரிவித்து உள்ளார்.