சாலையில் சிதறி கிடக்கும் கண்ணாடி துகள்கள்

பெங்களூரு பனசங்கரி பகுதியில் பஸ் நிறுத்தம் உள்ளது. இந்த பஸ் நிறுத்தம் அருகில் கடந்த சில நாட்களுக்கு முன்பு வாகன விபத்து ஏற்பட்டது. இந்த விபத்தில் வாகனத்தின் கண்ணாடி உடைந்து சாலை முழுவதும் சிதறியது. தற்போது அந்த சாலை முழுவதும் கண்ணாடி துளிகள் சிதறிகிடக்கின்றன. இதனால் அந்த சாலையில் செல்லும் வாகன ஓட்டிகள் மிகவும் அவதி அடைகின்றனர். எனவே சம்பந்தப்பட்ட அதிகாரிகள் அந்த சாலையில் கிடக்கும் கண்ணாடி துகள்களை அகற்ற நடவடிக்கை எடுக்க வேண்டும்.