வெள்ளை வர்ணம் பூசப்படாத வேகத்தடைகள்

பெரம்பலூர்- துறையூர் சாலையில் அடிக்கடி விபத்துகள் நடக்கும் இடங்களில் வாகனங்கள் குறைந்த வேகத்தில் செல்லும் வகையில் ஆங்காங்கே வேகத்தடைகள் அமைக்கப்பட்டுள்ளன. இந்த வேகத்தடைகளில் வெள்ளை நிறக் கோடுகள் பூசப்படாமல் உள்ளதால் இரவு நேரத்தில் இந்த வழியாக செல்லும் வாகன ஓட்டிகளுக்கு சாலையின் குறுக்கே வேகத்தடைகள் இருப்பது தெரியாமல் அவர்கள் நிலைதடுமாறி செல்கின்றனர். மேலும் மோட்டார் சைக்கிளில் செல்பவர்கள் நிலைதடுமாறி கீழே விழுந்து காயம் அடைந்து வருகின்றனர். எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம்.