பயணிகள் கோரிக்கை

செங்கல்பட்டு மாவட்டம், கூடுவாஞ்சேரி ரெயில் நிலையத்தில் இருந்து ஏராளமானோர் பயணம் செய்து வருகின்றனர். இந்த ரெயில் நிலையத்தின் நுழைவுவாயில் பகுதியில் உள்ள மின்விளக்குகள் கடந்த சில நாட்களாக எரியாமல் உள்ளது. இதனால் திருட்டு போன்ற சம்பவங்கள் அரங்கேற வாய்ப்பு உள்ளது. எனவே பயணிகள் ரெயில் நிலையத்திற்குள் நுழையும்போது அச்சத்துடனே வருகின்றனர். இதுகுறித்து ரெயில்வே நிர்வாகம் உடனடி நடவடிக்கை எடுக்க வேண்டும் என பயணிகள் கோரிக்கை விடுத்துள்ளனர்.