மற்றவை - Page 310

நாட்டறம்பள்ளி அருகே வெலக்கல்நத்தம் பகுதியில் குரங்குகள் தொல்லை அதிகமாக உள்ளது. இதனால் அந்தப் பகுதியைச் சேர்ந்த பொதுமக்கள் பாதிக்கப்படுகின்றனர். குரங்குகளை பிடிக்க சம்பந்தப்பட்ட அதிகாரிகள் நடவடிக்கை எடுக்க வேண்டும். -குமார், நாட்டறம்பள்ளி.

ஆதரவு: 0

Enter Name and Email

Error in submitting

29 Dec 2024 5:14 PM GMT

Mr.Mohan | ஆத்தூர்

#52618

தெருநாய்கள் தொல்லை

சேலம் ஆட்டையாம்பட்டி மற்றும் அதன் சுற்றுவட்டார பகுதியில் காலை மற்றும் மாலை நேரங்களில் தெருநாய்கள் தொல்லை அதிகமாக உள்ளது. இரவு நேரங்களில் இந்த வழியாக பணி முடிந்து வாகனங்களில் வருபவர்களையும், நடந்து வருபவர்களையும் துரத்தி சென்று கடிக்கிறது. எனவே இந்த வழியாக வரவே பொதுமக்கள் அச்சப்படுகின்றனர். எனவே தெருநாய்கள் தொல்லையை கட்டுப்படுத்த வேண்டும் எனறு வாகன ஓட்டிகள் கோரிக்கை விடுத்துள்ளனர். -சங்கா், ஆட்டையாம்பட்டி.

ஆதரவு: 0

Enter Name and Email

Error in submitting

29 Dec 2024 5:13 PM GMT

Mr.Mohan | சேலம்-வடக்கு

#52616

சேதமடைந்த சிமெண்டு சிலாப்புகள்

சேலம் கலெக்டர் அலுவலகம் அருகே அரசு ஆஸ்பத்திரி உள்ளது. ஆஸ்பத்திரியின் அவசர சிகிச்சை பிரிவின் முன் பகுதியில் சாக்கடை கால்வாயை மூடியுள்ள சிமெண்டு சிலாப்புகள் சேதமடைந்து ஆபத்தான பள்ளங்கள் காணப்படுகிறது. இதனால் புதிதாக மருத்துவமனைக்கு வருவோர் பள்ளத்தில் தவறி விழ வாய்ப்பு உள்ளது. எனவே அதிகாரிகள் சேதமடைந்த சிலாப்புகளை நீக்கி விட்டு புதிய சிலாப்புகளை பொருத்த வேண்டும். -ராஜா, சேலம்.

ஆதரவு: 0

Enter Name and Email

Error in submitting

29 Dec 2024 5:07 PM GMT

K. RAJANAYAGAM | இராணிப்பேட்டை

#52610

அடிப்படை வசதிகள் செய்யப்படுமா?

வாலாஜா ஒத்தவாடை தெரு பின்பக்கம் விஜயநகர் பகுதியில் பல ஆண்டுகளாக 50-க்கும் மேற்பட்ட வீடுகளில் மக்கள் வசித்து வருகின்றனர். இங்கு எந்த விதமான அடிப்படை வசதிகளும் இல்லை. நகராட்சி நிர்வாகம் சார்பில் சாலை, கழிவு நீர் கால்வாய், குடிநீர் இணைப்பு ஆகியவை வழங்கப்படவில்லை. மழைக்காலங்களில் மழைநீர் வடியாமல் தெருக்களில் குட்டை போல் தேங்கி கிடக்கிறது. இதுகுறித்து நகராட்சி நிர்வாகத்திடம் புகார் மனு அளித்தும், நடவடிக்கை எடுக்கவில்லை. இனியாவது அதிகாரிகள் நடவடிக்கை எடுப்பார்களா? -பிரபு, வாலாஜா.

ஆதரவு: 0

Enter Name and Email

Error in submitting

29 Dec 2024 5:06 PM GMT

சசிகுமரன் தாரமங்கலம் | சங்ககிரி

#52609

ஆபத்தான கிணறு

தாரமங்கலம் நகராட்சி 18-வது வார்டுக்குட்பட்ட முத்து முனியப்பன் கோவில் தெருவில் கிணறு ஒன்று சுற்றுச்சுவர் இல்லாமல் ஆபத்தான நிலையில் உள்ளது. இந்த கிணற்றால் விபத்து ஏற்பட கூடாது என போலீசார் தற்காலிகமாக இந்த பகுதியில் பேரிகார்டு வைத்துள்ளனர். எனவே நிரந்தர தீர்வுகாணும் விதமாக ேபரிகார்டை அகற்றி விட்டு கிணற்றுக்கு சுற்றுச்சுவர் அமைக்க அதிகாரிகள் நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

29 Dec 2024 5:05 PM GMT

K. RAJANAYAGAM | இராணிப்பேட்டை

#52608

கால்நடைகளை பிடிக்க வேண்டும்

வாலாஜாபேட்டை நகராட்சியில் டெங்கு காய்ச்சல் பரவி வருவதையொட்டி பன்றிகளை பிடிக்க நகராட்சி நிர்வாகம் நடவடிக்கை எடுத்து வருகிறது. சாலைகளில் சுற்றித்திரியும் மாடுகளால் விபத்துகள் ஏற்படுகின்றன. தெரு நாய்கள் குழந்தைகள் முதல் பெரியவர்கள் வரை அச்சுறுத்தி வருகின்றன. எனவே பன்றிகளை மட்டும் பிடித்தால் போதாது மாடுகள், நாய்களை பிடிக்க வேண்டும். -ஆறுமுகம், வாலாஜா.

ஆதரவு: 0

Enter Name and Email

Error in submitting

29 Dec 2024 5:04 PM GMT

ராம்தாஸ் | மதுரை மத்தி

#52607

பழுதான தெருவிளக்கு

மதுரை நகர் அண்ணா பஸ் நிலையம் அருகே ஜவஹர் தெருவில் பல வாரங்களாகவே சில தெரு விளக்குகள் எரியவில்லை. இதனால் அப்பகுதி இருள் சூழ்ந்து காணப்படுவதால் இரவு நேரங்களில் அப்பகுதியில் நடந்து செல்லும் பொதுமக்கள் மற்றும் வாகன ஓட்டிகள் மிகவும் சிரமமடைந்து வருகின்றனர். மேலும் அப்பகுதியில் வசிக்கும் பொதுமக்கள் இடையே திருட்டு அச்சம் எழுந்துள்ளது. எனவே சம்பந்தப்பட்ட அதிகாரிகள் தெருவிளக்கை சரிசெய்து தர நடவடிக்கை எடுக்க முன் வருவார்களா?

ஆதரவு: 0

Enter Name and Email

Error in submitting

29 Dec 2024 5:01 PM GMT

K. RAJANAYAGAM | வந்தவாசி

#52604

ராஜகோபுரத்தில் வளர்ந்த செடிகள்

வந்தவாசியில் இந்து அறநிலையத்துறை கட்டுப்பாட்டில் இருக்கும் ஜலகண்டேஸ்வரர் கோவில் ராஜகோபுரத்தில் அரச மரம், ஆல மரம் உள்ளிட்ட செடிகள் வளர்ந்துள்ளன. இதனால், கோபுரத்தின் மேல் விரிசல் ஏற்பட வாய்ப்புள்ளது. உடனே தமிழக அரசு நடவடிக்கை எடுத்து கோபுரத்தின் புனிதத் தன்மையை காப்பாற்ற செடிகளை அகற்ற வேண்டும். -கார்வண்ணன், வந்தவாசி.

ஆதரவு: 0

Enter Name and Email

Error in submitting

29 Dec 2024 5:00 PM GMT

ரசியா | மதுரை தெற்கு

#52601

தெருநாய்கள் தொல்லை

மதுரை நகர் குலமங்கலம் மெயின் ரோடு அன்பு நகர் 2 -வது தெருவில் தெரு நாய்கள் தொல்லை அதிகமாக உள்ளது. சாலையில் விளையாடும் குழந்தைகளை அச்சுறுத்துவதோடு பல குழந்தைகளை கடித்தும் வைத்துள்ளது.. எனவே இதுபோன்ற அசம்பாவிதங்கள் மேலும் தொடராமல் தவிர்க்க சம்பந்தப்பட்ட அதிகாரிகள் உடனடியாக நடவடிக்கை மேற்கொண்டு அப்பகுதியில் சுற்றித்திரியும் தெருநாய்களை பிடித்து அப்புறப்படுத்த வேண்டும்.

ஆதரவு: 0

Enter Name and Email

Error in submitting

29 Dec 2024 4:57 PM GMT

ராகுல் | மதுரை மத்தி

#52596

பொதுமக்கள் அவதி

மதுரை நகர் ஜெய்ஹிந்த்புரம் பகுதி சுந்தரராஜபுரம் அருகே உள்ள லெட்சுமிபுரம், எச்.எச்.ரோடு, கணேசன் ரோடு பகுதிகளில் கொசுத்தொல்லை அதிகளவில் உள்ளது. இதனால் இரவு நேரங்களில் அப்பகுதியில் வசிக்கும் குழந்தைகள், முதியவர்கள், கர்ப்பிணிகள் தூக்கமின்றி அவதியடைகின்றனர். மேலும் டெங்கு, மலேரியா போன்ற தொற்று நோய் பரவும் அபாயமும் உள்ளது. எனவே இதுகுறித்து சம்பந்தப்பட்ட அதிகாரிகள் கொசு ஒழிப்பு மருந்து தெளிக்க நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

29 Dec 2024 4:56 PM GMT

K. RAJANAYAGAM | செய்யாறு

#52595

தள்ளு வண்டிகளால் போக்குவரத்துக்கு இடையூறு

வெம்பாக்கம் தாலுகா தூசி கிராமத்தில் இருந்து அப்துல்லாபுரம் கூட்ரோடு வரை செல்லும் மெயின் ரோடு ஓரத்தில் தள்ளுவண்டி இட்லி கடைகள் உள்ளன. அந்தக் கடைகள் போக்குவரத்து இடையூறாக உள்ளன. அவைகளால் விபத்துகள் நடக்கின்றன. எனவே சாலையோரம் இருக்கும் தள்ளுவண்டி கடைகளை அகற்ற அதிகாரிகள் நடவடிக்கை எடுக்க வேண்டும். -சிவாஜி, தூசி.

ஆதரவு: 0

Enter Name and Email

Error in submitting

29 Dec 2024 4:44 PM GMT

Mr.Mohan | பர்கூர்

#52590

அடிப்படை வசதி இல்லாத அங்கன்வாடி மையம்

பர்கூர் பேரூராட்சிக்குட்பட்ட 14-வது வார்டு எம்.ஜி.ஆர். நகரில் அடிப்படை அங்கன்வாடி மையம் செயல்பட்டு வருகிறது. இந்த அங்கன்வாடி கட்டிடம் கடந்த 5 ஆண்டுகளுக்கும் மேலாக சிறிய அளவிலான கழிப்பறை வசதி, காற்றோட்டம் இல்லாத சிறிய அறையில் வாடகை கட்டிடத்தில் செயல்பட்டு வருகிறது. இதில் 30-க்கும் மேற்பட்ட குழந்தைகள் படிக்கின்றனர். இதனால் குழந்தைகள் அமைதியான சூழலில் கல்வி கற்க முடியவில்லை. எனவே புதிய அங்கன்வாடி மையத்தை விரைந்து கட்டித் தர இப்பகுதி மக்கள் கோரிக்கை விடுத்துள்ளனர். -பவன், பர்கூர்.

ஆதரவு: 0