மற்றவை - Page 1520

அரியலூர் மாவட்டம், வெற்றியூர் ஊராட்சி திருப்பெயர் கிராமத்தில் உள்ள ரேஷன் கடையில் இருந்து நடுநிலை பள்ளி வரை சாலையின் இருபுறங்களில் பலர் ஆக்கிரமிப்பு செய்துள்ளனர். இதனால் அங்குள்ள கழிவுநீர் வெளியே செல்ல வழியில்லாமல் தேங்கி நிற்கிறது. இதனால் கொசுக்கள் உற்பத்தியாகி நோய் பரவும் அபாயம் ஏற்பட்டுள்ளது. எனவே இப்பகுதியில் கழிவுநீர் செல்ல வடிகால் வசதி ஏற்படுத்தி தர வேண்டும் என அப்பகுதி பொதுமக்கள், சமூக ஆர்வலர்கள் கோரிக்கை விடுத்துள்ளனர்.

ஆதரவு: 0

Enter Name and Email

Error in submitting

27 Aug 2022 2:13 PM GMT

ெபாதுமக்கள் | அரியலூர்

#11085

மருதையாற்றின் கரைகளை உயர்த்த கோரிக்கை

அரியலூர் மாவட்டம், தா.பழூர் ஒன்றியம், முத்துவாஞ்சேரி கிராமத்தில் கொள்ளிடம் ஆற்றில் வெள்ளப்பெருக்கு ஏற்படும்போது மருதையாறு சந்திக்கும் இடத்தில் தண்ணீர் வெளியேறி விளை நிலங்களை சேதப்படுத்தி விடுகிறது. எனவே இரண்டு ஆறுகளும் சந்திக்கும் இடத்தில் உள்ள மருதையாற்று கரைகளை உயர்த்தி, பலப்படுத்த சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக் கொள்கிறோம்.

ஆதரவு: 0

Enter Name and Email

Error in submitting

27 Aug 2022 2:11 PM GMT

Jegan | வேடசந்தூர்

#11082

சாலையில் தேங்கும் மழைநீர்

வேடசந்தூரில், பழனி சாலையில் இருபுறமும் முறையாக வடிகால் வசதி இல்லாததால், மழைக்காலங்களில் மழைநீர் குளம்போல் தேங்கி நிற்கிறது. மேலும் சாலையையும் ஆக்கிரமித்தபடி மழைநீர் தேங்குகிறது. இதனால் வாகன ஓட்டிகள் அவதியடைந்து வருகின்றனர். எனவே சாலையின் இருபுறமும் வடிகால் வசதி ஏற்படுத்த சம்பந்தப்பட்ட அதிகாரிகள் நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

27 Aug 2022 2:11 PM GMT

பொதுமக்கள் | அரியலூர்

#11081

நாய்கள் தொல்லை

அரியலூர் மாவட்டம், மீன்சுருட்டி பகுதியில் பகல் மற்றும் இரவு நேரங்களில் ஏராளமான நாய்கள் சுற்றித்திரிகிறது. இந்த நாய்கள் சாலைகளில் வாகனங்களில் செல்வோரை துரத்தி சென்று கடிக்க பாய்கிறது. இதனால் வாகனங்களில் செல்வோர் கீழே விழுந்து படுகாயம் அடைந்து வருகின்றனர். எனவே சம்பந்தப்பட்ட அதிகாரிகள் இதுகுறித்து நடவடிக்கை எடுக்க வேண்டும் என கேட்டுக் கொள்கிறோம்.

ஆதரவு: 0

Enter Name and Email

Error in submitting

27 Aug 2022 2:08 PM GMT

Mr. Raja | நாகப்பட்டினம்

#11076

மாடுகள் தொல்லை

நாகை பஸ் நிலையம், ரெயில்நிலையம், வெளிப்பாளையம் போன்ற பகுதிகளில் ஏராளமான மாடுகள் சாலையில் சுற்றி திரிகிறது. இதனால், போக்குவரத்து நெரிசல் ஏற்படுகிறது. மேலும் வாகன ஓட்டிகள் நிலை தடுமாறி விழுந்து விபத்தில் சிக்கி காயமடைகின்றனர். எனவே சம்பந்தப்பட்ட அதிகாரிகள், சாலையில் சுற்றி திரியும் மாடுகளை அப்புறப்படுத்த நடவடிக்கை எடுக்க வேண்டும்.மேலும் மாடுகளின் உரிமையாளர்களுக்கு அபராதம் விதிக்க வேண்டும் என்று பொதுமக்கள் கோரிக்கை விடுத்துள்ளனர். பொதுமக்கள், நாகை

ஆதரவு: 0

Enter Name and Email

Error in submitting

27 Aug 2022 2:01 PM GMT

Mr. Raja | நாகப்பட்டினம்

#11074

ஆபத்தான மின்கம்பிகள்

நாகை மாவட்டம் திருமருகல் ஒன்றியம் கங்களாஞ்சேரி-நாகூர் சாலையில் டிரான்ஸ்பார்மரில் இருந்து செல்லும் மின் கம்பிகள் தாழ்வாக செல்கிறது. இதனால் அருகில் உள்ள மூங்கில் மரக்கிளைகள் மின் கம்பிகளில் சாய்ந்து உள்ளன. இதன் காரணமாக மின் கசிவு ஏற்படுகிறது. அருகில் வீடுகள் இருப்பதால் பொதுமக்கள் பெரிதும் அச்சப்படுகின்றனர். .எனவே சம்பந்தப்பட்ட அதிகாரிகள் உடன் நடவடிக்கை தாழ்வாக ஆபத்தான நிலையில் உள்ள மின்கம்பிகளை சரி செய்ய வேண்டும். என்று பொதுமக்கள் கோரிக்கை விடுத்துள்ளனர். பொதுமக்கள், திருமருகல்

ஆதரவு: 0

Enter Name and Email

Error in submitting

27 Aug 2022 1:54 PM GMT

பொதுமக்கள் | பெரியகுளம்

#11069

வாகனங்களால் அவதி

பெரியகுளம் பழைய பஸ் நிலையத்தில் சிறுவர் பூங்கா கட்டும் பணி நடந்து வருகிறது. இதற்காக பள்ளம் தோண்டப்பட்டுள்ளது. இந்நிலையில் அந்த பகுதியில் வாகனங்களை நிறுத்தி செல்கின்றனர். இதனால் பொதுமக்கள் நடந்து செல்ல வழியில்லாமல் அவதியடைந்து வருகின்றனர். எனவே இதை தடுக்க அதிகாரிகள் நடவடிக்கை எடுக்க வேண்டும்

ஆதரவு: 0

Enter Name and Email

Error in submitting

27 Aug 2022 1:16 PM GMT

Mr. P.Saravanan | ஈரோடு

#11065

பாலம் அமைக்க வேண்டும்

அந்தியூர் ஊராட்சி ஒன்றியம் கெட்டிசமுத்திரம் ஊராட்சிக்கு உட்பட்ட புதுப்பாளையத்தில் சுமார் ஒரு ஏக்கர் பரப்பளவில் மயானம் அமைந்துள்ளது. இந்த மயானத்துக்கு செல்லும் வழியில் உள்ள ஒரு நீரோடையில் கட்டப்பட்ட சிறிய பாலம் சிதிலமடைந்துவிட்டது. இதனால் இறந்தவர்களின் உடலை கொண்டு செல்பவர்கள் மிகவும் சிரமப்பட்டு நீரோடையை கடந்து செல்கிறார்கள். எனவே உள்ளாட்சி நிர்வாகத்தினர் புதுப்பாளையம் மயானத்துக்கு செல்லும் வழியில் உள்ள நீரோடையின் குறுக்கே உயர்மட்ட பாலம் அமைத்து தரவேண்டும்.

ஆதரவு: 0

Enter Name and Email

Error in submitting

27 Aug 2022 1:12 PM GMT

பாலசுப்பிரமணியன் | திருச்சிராப்பள்ளி

#11063

கும்பாபிஷேகம் நடத்தப்படுமா?

திருச்சி மாவட்டம், உப்பிலியபுரம் ஒன்றியம், ஆலத்துடையான்பட்டி ஊராட்சியில் சீனிவாசப்பெருமாள் கோவில் உள்ளது. இக்கோவில் சிதிலமடைந்து காணப்படுகிறது. இதனால் கோவிலுக்கு வரும் பக்தர்கள் சாமி தரிசனம் செய்ய முடியாமல் அவதியடைந்து வருகின்றனர். எனவே சம்பந்தப்பட்ட அதிகாரிகள் கோவிலில் திருப்பணிகள் செய்து, கும்பாபிஷேகம் நடத்த நடவடிக்கை எடுக்க வேண்டும் என கேட்டுக்கொள்கிறோம்.

ஆதரவு: 0

Enter Name and Email

Error in submitting

27 Aug 2022 1:10 PM GMT

நரிமுருகன் | பொள்ளாச்சி

#11061

நோயாளிகள் அவதி

பொள்ளாச்சி அரசு தலைமை மருத்துவமனையில் ஊசி போடும் இடத்தில், ஒரு நாற்காலி மற்றும் படுக்கை மட்டுமே உள்ளது. மேலும் வயதான நோயாளிகளை கூட நிற்க வைத்து ஊசி போட்டு அனுப்புகின்றனர். இது தவிர சிறப்பு பிரிவு மருத்துவர்கள் பணிக்கு குறித்த நேரத்தில் வருவது இல்லை. இதனால் அங்கு வந்து செல்லும் நோயாளிகள் கடும் அவதி அடைகின்றனர். இதற்கு சம்பந்தப்பட்ட துறை அதிகாரிகள் உரிய நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

27 Aug 2022 1:09 PM GMT

ரமேஷ் | கோயம்புத்தூர் வடக்கு

#11060

தேங்கி நிற்கும் மழைநீர்

கோவை கணபதியை அடுத்த நல்லாம்பாளையம் பகுதியில் மின்சார அலுவலகத்துக்கு செல்லும் வழியில் ஓம் நகர் 2-வது தெருவில் மழைக்காலத்தல் தண்ணீர் தேங்கி நிற்கிறது. இதனால் மின்சார அலுவலகத்துக்கு சென்று வரும் பொதுமக்கள் மிகவும் சிரமப்படுகின்றனர். மேலும் அங்கு வசித்து வருபவர்களுக்கு தொற்று நோய் பரவும் அபாயம் நிலவுகிறது. எனவே மழைநீர் தேங்காத வகையில் நடவடிக்கை எடுக்க அதிகாரிகள் முன்வருவார்களா?

ஆதரவு: 0

Enter Name and Email

Error in submitting

27 Aug 2022 1:08 PM GMT

சரவணன் | பொள்ளாச்சி

#11059

காலி மதுபாட்டில்கள்

பொள்ளாச்சி அருகே சீனிவாசபுரம் ரெயில்வே சுரங்கப்பாதையில், இரவு நேரங்களில் சிலர் அமர்ந்து மது குடிக்கின்றனர். பின்னர் போதையில் காலி பாட்டில்களை தூக்கி வீசிவிட்டு செல்கின்றனர். அவை உடைந்து, பகல் நேரங்களில் அந்த வழியாக நடந்து செல்பவர்களின் கால்களை பதம் பார்க்கின்றன. இது தவிர இயற்கை உபாதைகளை கழிக்கும் பகுதியாக மாறி வருகிறது. இதனால் அந்த வழியாக செல்லவே பொதுமக்கள் அச்சப்படுகிறார்கள். இந்த பிரச்சினைக்கு உரிய தீர்வு காண வேண்டும்.

ஆதரவு: 0