குப்பை தொட்டி வைக்கப்படுமா?

வேலூர் மாவட்டம் பேரணாம்பட்டு பகுதியில் வீ.கோட்டா சாலையில் புளியமரம் பஸ் நிறுத்தம் அருகே உள்ள மண்டபம் எதிரில் குப்பைகள் கொட்டப்படுகிறது. காற்று வீசும்போது குப்பைகள் பறந்து சாலைக்கு வருகிறது. அங்கு மின்சார டிரான்ஸ்பார்மர் உள்ளது. ஒரு சில நேரத்தில் குப்பைகளுக்கு தீ வைக்கிறார்கள். இதனால் சுகாதார சீர்கேடு ஏற்படுவதுடன் ஆபத்து நடக்க வாய்ப்புள்ளது. எனவே அந்த இடத்தில் குப்பைகளை கொட்டுவதற்கு நகராட்சி நிர்வாகத்தால் ஒரு குப்பைத் தொட்டி வைக்கப்படுமா?

-ஜெ.மணிமாறன், பேரணாம்பட்டு.