குப்பைத்தொட்டி வேண்டும்

தஞ்சை நாகை சாலையில் உள்ள மாரியம்மன் கோவில் ஊராட்சி பகுதி கவுதம்நகர் மற்றும் மேம்பால பகுதியில் குப்பைகள் குவிந்து கிடக்கிறது. குப்பைகளை சிலர் தீயிட்டு கொளுத்தி செல்கின்றனர். இதனால் அந்த பகுதி முழுவதும் புகை சூழ்ந்து காற்று மாசுபட வழிவகை செய்கிறது. இதன்காரணமாக சுகாதார சீர்கேடு ஏற்பட்டு தொற்று நோய்கள் பரவும் அபாயம் உள்ளது. எனவே, சம்பந்தப்பட்ட அதிகாரிகள் மேற்கண்ட பகுதியில் ஆய்வு மேற்கொண்டு தேவையான இடங்களில் புதிதாக குப்பைத்தொட்டிகள் வைக்க நடவடிக்கை எடுக்க வேண்டும் என்பதே பொதுமக்களின் எதிர்பார்ப்பாகும்.