விபத்து அபாயம்

அழகப்பபுரம் பகுதியில் சாலையோரம் அமைக்கப்பட்டிருந்த ஒரு மின்கம்பம் சேதமடைந்தது காணப்பட்டது. இதையடுத்து அங்கு புதிய மின்கம்பம் அமைக்கப்பட்டு பயன்பாட்டுக்கு கொண்டுவரப்பட்டது. ஆனால், சேதமடைந்த மின்கம்பத்தை அகற்றவில்லை. இதன் அருகில் பஸ் நிறுத்தம் இருப்பதால் பள்ளி, கல்லூரி மாணவ-மாணவிகள், பொதுமக்கள் வந்து செல்கின்றனர். இதனால், எப்போது வேண்டுமானாலும் மின்கம்பம் முறிந்து விழுந்து அந்த வழியாக செல்லும் வாகன ஓட்டிகள், பாதசாரிகள் விபத்தில் சிக்கும் அபாயம் ஏற்பட்டுள்ளது. எனவே, சேதமடைந்த மின்கம்பத்தை அகற்றிட சம்பந்தப்பட்ட அதிகாரிகள் நடவடிக்கை எடுக்க வேண்டும். -வி.ஏ.ஜஸ்டின், அழகப்பபுரம்.