மின்கம்பம் மாற்றப்பட்டது

ஆசாரிபள்ளம் சந்திப்பில் இருந்து மேலப்பெருவிளைக்கு செல்லும் குறுந்தெரு உள்ளது. இந்த தெருவில் சாலையோரத்தில் அமைக்கப்பட்டிருந்த ஒரு டிரான்ஸ்பார்மரின் இரண்டு கம்பங்களும் சேதமடைந்து எப்போது வேண்டுமானாலும் முறிந்து விழுந்து ஆபத்தை ஏற்படுத்தும் நிலையில் காணப்பட்டது. இதுபற்றி தினத்தந்தி புகார் பெட்டியில் செய்தி வெளியிடப்பட்டது. இதையடுத்து சம்பந்தப்பட்ட அதிகாரிகள் நடவடிக்கை எடுத்து சேதமடைந்த மின்கம்பங்களை அகற்றி விட்டு புதிய மின்கம்பங்களை அமைத்தனர். நடவடிக்கை எடுத்த அதிகாரிகளுக்கும், செய்தியை வெளியிட்ட தினத்தந்திக்கும் அந்த பகுதி மக்கள் நன்றி தெரிவித்தனர்.