அந்தரத்தில் தொங்கும் மின்விளக்கு

நாகர்கோவில் சவேரியார் சந்திப்பில் இருந்து செட்டிகுளம் செல்லும் சாலையில் டி.வி.டி.காலனி உள்ளது. இந்த சாலையில் செந்தூரான்நகர் செல்லும் பிரிவு சாலையின் முகப்பு பகுதியில் அமைக்கப்பட்டுள்ள ஒரு மின்கம்பத்தில் விளக்கு பிடிமானம் இல்லாமல் அந்தரத்தில் தொங்கியபடி காணப்படுகிறது. மேலும், அந்த விளக்கில் இருந்து குறைவான வெளிச்சமே கிடைப்பதால் இரவு நேரம் அந்த வழியாக செல்லும் வாகன ஓட்டிகள் பாதசாரிகள் பெரும் அவதிக்குள்ளாகி வருகின்றனர். எனவே, வாகன ஓட்டிகள் நலன் கருதி அந்த மின்கம்பத்தில் உள்ள விளக்கை அகற்றி விட்டு புதிய மின்விளக்கை பொருத்திட சம்பந்தப்பட்ட அதிகாரிகள் நடவடிக்கை எடுக்க வேண்டும்.