செங்கல்பட்டு மாவட்டம், பெரும்பாக்கம் நேசமணி நகரில் ஏராளமான பொதுமக்கள் வசித்து வருகின்றனர். அவர்கள் இந்த பகுதியில் உள்ள பூங்காவில் காலை மற்றும் மாலை வேலையில் நடை பயிற்சி மேற்கொண்டு வருகின்றனர். இந்த பூங்காவில் பொதுமக்களுக்கு இடையூறாக நடைபாதையில் செடிகள் அடர்ந்து காடுபோல் வளர்ந்துள்ளது. இதனால் அவா்கள் அச்சத்துடனே நடைபயிற்சி மேற்கொள்ளும் நிலை ஏற்பட்டுள்ளது. எனவே, சம்பந்தப்பட்ட துறை அதிகாரிகள் பூங்காவை சீரமைக்க நடவடிக்கை எடுக்க வேண்டும்.