தஞ்சையை அடுத்த திருக்கானூர்பட்டி தேவாரம் நகர் பகுதியில் நாய்கள் அதிகளவில் சுற்றித்திரிகின்றன. இவை வீடுகளில் வளர்க்கப்படும் ஆடு,கோழிகளை வேட்டையாடுகின்றன. சாலையில் நடந்து செல்லும் மாணவ-மாணவிகள் பொதுமக்களை விரட்டி சென்று கடிக்கின்றன. இதனால் சாலையில் அச்சத்துடன் சென்று வரும் சூழல் நிலவுகிறது. வாகனங்களை துரத்தி செல்வதால் வாகன ஓட்டிகளும் நிலைதடுமாறி கீழே விழுந்துவிடுகின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் சுற்றித்திரியும் நாய்களை பிடித்து செல்ல நடவடிக்கை எடுப்பார்களா?