கூடலூர் மார்தோமா நகரில் இருந்து தொரப்பள்ளிக்கு செல்லும் தேசிய நெடுஞ்சாலையோரத்தில் மின் கம்பிகள் மீது மூங்கில்கள் சரிந்து கிடக்கிறது. இதன் காரணமாக சூறாவளி காற்றுடன் பலத்த மழை பெய்யும்போது, மின்தடை ஏற்பட வாய்ப்பு உள்ளது. மேலும் அந்த சமயத்தில் மின் விபத்து ஏற்படும் அபாயமும் காணப்படுகிறது. எனவே பொதுமக்கள் நலன் கருதி மின்கம்பிகள் மீது சரிந்து கிடக்கும் மூங்கில்களை உடனடியாக வெட்டி அகற்ற சம்பந்தப்பட்ட துறையினர் உரிய நடவடிக்கை எடுக்க வேண்டும்.