தஞ்சை பூக்காரத்தெருவில் இருந்து விளார் செல்லும் சாலையோரத்தில் குப்பைகள் குவிந்து கிடக்கிறது. இந்த குப்பைகளில் இரை தேடுவதற்காக பன்றிகள் கூட்டம், கூட்டமாக வருகின்றன. இவை சாலையில் அங்கும்,இங்கும் ஓடுவதால் வாகன ஓட்டிகள் அடிக்கடி விபத்துகளில் சிக்கிக்கொள்கின்றனர். மேலும், சாக்கடை கழிவுநீரில் உருண்டு,புரண்டு பன்றிகள் குடியிருப்பு பகுதிகளுக்குள் புகுந்துவிடுகின்றன. இதனால் சுகாதார சீர்கேடு ஏற்பட்டு தொற்று நோய் பரவும் அபாயம் உள்ளது. எனவே, சம்பந்தப்பட்ட அதிகாரிகள் மேற்கண்ட பகுதியில் சுற்றித்திரியும் பன்றிகளை பிடித்து செல்ல நடவடிக்கை எடுக்க வேண்டும் என்பதே பொதுமக்களின் கோரிக்கையாகும்.