கோத்தகிரி மார்க்கெட் பகுதியில் ஏராளமான குரங்குகள் முகாமிட்டு உள்ளன. இவை கடைகளுக்குள் புகுந்து மளிகை மற்றும் காய்கறி பொருட்களை தின்று சேதப்படுத்தி வருகின்றன. இதனால் வியாபாரிகள், வாடிக்கையாளர்கள் என அனைத்து தரப்பினரும் பாதிக்கப்பட்டு வருகின்றனர். சில நேரங்களில் கையில் வைத்திருக்கும் தின்பண்டங்களை பறிக்க குழந்தைகளை தாக்கும் அபாயமும் நிலவுகிறது. எனவே தொல்லை தரும் குரங்குகளை கூண்டு வைத்து பிடித்து, அடர்ந்த வனப்பகுதியில் விட வனத்துறை அதிகாரிகள் நடவடிக்கை எடுக்க வேண்டும்.