கூடுதல் பஸ் வசதி வேண்டும்

சிவகங்கை மாவட்டம் காரைக்குடி அழகப்பா கலைக்கல்லூரியில் இருந்து புதிய பஸ் நிலையத்துக்கு செல்ல மாலை நேரங்களில் போதிய பஸ் வசதி இல்லை. இதனால் கல்லூரி முடிந்து பஸ்சுக்காக நீண்ட நேரம் காத்திருக்க வேண்டிய நிலை உள்ளது. மேலும் குறைவான அளவே பஸ்கள் இயக்கப்படுவதால் மாணவர்கள் அதிகளவில் ஏறி ஆபத்தான முறையில் பயணம் செய்கின்றனர். எனவே மாணவர்கள் நலன் கருதி மேற்கண்ட வழித்தடத்தில் கூடுதல் பஸ்கள் இயக்க நடவடிக்கை எடுக்க வேண்டும்.