போக்குவரத்து நெரிசல்

கிருஷ்ணகிரி நகரில் 5 ரோடு ரவுண்டானா பகுதியையொட்டி சென்னை சாலை, சேலம் சாலை, பெங்களூரு சாலை என முக்கிய சாலைகள் உள்ளன. பல்வேறு கிராம பகுதிகளில் இருந்து கிருஷ்ணகிரி நகருக்கு வரும் மக்கள் இந்த பஸ் நிறுத்தங்களில் பஸ்சுக்காக காத்திருக்கிறார்கள். இங்கு தனியார் பஸ்கள் நீண்ட நேரம் நிறுத்தப்படுகின்றன. இதனால் கடுமையான போக்குவரத்து நெரிசல் ஏற்படுகிறது. இதனால் ஆம்புலன்ஸ் உள்ளிட்ட வாகனங்கள் கூட நீண்ட நேரம் காத்திருக்க வேண்டிய நிலை உள்ளது. எனவே 5 ரோடு ரவுண்டானா பகுதிகளில் பஸ்கள் நீண்ட நேரம் நிறுத்துவதையும், அதேபோல காலை, மாலை போக்குவரத்து அதிகமாக உள்ள நேரங்களில் அங்கு சரக்கு வாகனங்களை நிறுத்தி பொருட்களை இறக்கவும் தடை விதிக்க வேண்டும்.