சாலை ஆக்கிரமிப்பு

திருவெண்ணெய்நல்லூர் கடைவீதி சாலையை ஆக்கிரமித்து பலர் கடைகள் வைத்து பயன்படுத்தி வருகின்றனர். மேலும் சாலையில் தாறுமாறாக வாகனங்கள் நிறுத்தப்படுகின்றன. இதனால் அங்கு அடிக்கடி போக்குவரத்து நெரிசல் ஏற்பட்டு வருவதோடு, விபத்துகளும் அதிகரித்து வருகிறது. எனவே உயிரிழப்புகள் ஏதும் ஏற்படும் முன் சாலை ஆக்கிரமிப்புகளை அகற்றுவதோடு, தாறுமாறாக வாகனங்கள் நிறுத்துவதையும் கட்டுப்படுத்த அதிகாரிகள் நடவடிக்கை எடுக்க வேண்டும்.