போக்குவரத்துக்கு இடையூறாக மரக்கிளைகள்

தஞ்சை மாவட்டம் ஒரத்தநாட்டில் இருந்து திருவோணம் செல்லும் சாலையில் மேலதோட்டம் பகுதி உள்ளது. இந்த பகுதி சாலையோரத்தில் மரக்கிளைகள் போக்குவரத்துக்கு இடையூறாக வளர்ந்துள்ளன. இதனால் அந்த வழியாக வாகனங்களில் செல்பவர்கள் மிகுந்த சிரமத்துக்குள்ளாகி வருகின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் போக்குவரத்துக்கு இடையூறாக வளர்ந்துள்ள மரக்கிளைகளை வெட்டி அகற்ற நடவடிக்கை எடுக்க வேண்டும்.