போக்குவரத்து நெரிசல்

கும்பகோணம் பகுதி நாச்சியார்கோவில் வண்டிக்கார தெருவின் வழியாக ஏராளமான இருசக்கர வாகனங்கள் மற்றும் கனரக வாகனங்கள் சென்று வருகின்றனர். இந்த சாலையில் கடை தெருவிற்கு பொருட்கள் கொண்டு வரும் லாரிகள் போக்குவரத்திற்கு இடையூறாக நிறுத்தப்படுகின்றன. இதனால் அந்த பகுதியில் அடிக்கடி போக்குவரத்து நெரிசல் ஏற்படுகிறது. இதன் காரணமாக பள்ளி,கல்லூரிகளுக்கு செல்லும் மாணவ-மாணவிகள், அரசு மற்றும் தனியார் ஊழியர்கள் மிகவும் அவதியடைந்து வருகின்றனர். எனவே சம்பந்தப்பட்ட அதிகாரிகள் போக்குவரத்து நெரிசலை தவிர்க்க உரிய நடவடிக்கை எடுக்கவேண்டும் என்று பொதுமக்கள் கோரிக்கை விடுத்துள்ளனர்.