மாணவ-மாணவிகள் அவதி

திருவட்டார் ஊராட்சிக்கு உட்பட்ட தெற்றியோடு பகுதியில் மழைநீர் வடிகால் ஓடை அமைக்கும் பணிக்காக பள்ளம் தோண்டப்பட்டது. அதன்பிறகு பணிகள் தொடர்ந்து நடைபெறாமல் கிடப்பில் போடப்பட்டுள்ளது. இதன் காரணமாக அந்த பகுதிக்கு பஸ்கள் செல்வதில்லை. இதனால், பள்ளி, கல்லூரிக்கு செல்லும் மாணவ-மாணவிகள் பெரும் அவதிக்குள்ளாகி வருகின்றனர். மேலும், சாலையில் நடந்து செல்லும் பொதுமக்களும் சிரமப்படுகின்றனர். எனவே, மாணவ-மாணவிகள் நலன்கருதி மழைநீர் வடிகால் ஓடைப்பணியை விரைந்து முடிக்க சம்பந்தப்பட்ட அதிகாரிகள் நடவடிக்கை எடுக்க வேண்டும்.

-ரமேஷ் , தோட்டியோடு.