நடவடிக்கை எடுக்கப்பட்டது

ஆத்திக்காட்டுவிளை ஊராட்சிக்கு உட்பட்ட சாலை சந்திப்பு பகுதியில் கூட்டு குடிநீர் குழாய் பதிக்கப்பட்டுள்ளது. அந்த குழாயில் உடைப்பு ஏற்பட்டு குடிநீர் வீணாகி கழிவுநீர் ஓடையில் பாய்ந்து வருகிறது. ஏற்கனவே 2 முறை அந்த இடத்தில் குழாயில் உடைப்பு ஏற்பட்டு சீரமைக்கப்பட்டது. மீண்டும் உடைப்பு ஏற்பட்டது குறித்து தினத்தந்தி புகார் பெட்டியில், செய்தியும், படமும் வெளியிடப்பட்டது. அதைத்தொடர்ந்து அதிகாரிகள் நடவடிக்கை எடுத்து குழாயில் ஏற்பட்ட உடைப்பை சீரமைத்தனர். நடவடிக்கை எடுத்த அதிகாரிகளுக்கும், செய்தியை வெளியிட்ட தினத்தந்திக்கும் அந்த பகுதி மக்கள் நன்றி தெரிவித்தனர்.