பாலம் அமைக்க வேண்டும்

கீழ்குளம் பேரூராட்சிக்கு உட்பட்ட அரசகுளத்தில் இருந்து வலியவிளாகத்துக்கு செல்வதற்காக பாலூர் ஊற்றுமுகம் கால்வாயின் குறுக்கே பாலம் அமைக்கப்பட்டு இருந்தது. இந்த பாலம் வழியாக பள்ளி மாணவ-மாணவிகள், பொதுமக்கள் நடந்து சென்று வந்தனர். கடந்த சில ஆண்டுகளுக்கு முன் பாலம் சேதமடைந்து முற்றிலும் இடிந்து விழுந்து விட்டது. தற்போது கால்வாயின் குறுக்கே உடைந்த மின்கம்பத்தை வைத்து நடைபாதை அமைத்து அதில் நடந்து சென்று வருகின்றனர். நிலை தடுமாறினாலும் கால்வாய்க்குள் விழுந்து உயிரிழப்பு ஏற்படும் அபாயம் உள்ளது. எனவே, மாணவ-மாணவிகள் நலனை கருத்தில் கொண்டு போர்க்கால அடிப்படையில் கால்வாயின் குறுக்கே பாலம் அமைக்க சம்பந்தப்பட்ட அதிகாரிகள் நடவடிக்கை எடுக்க வேண்டும்.

-சமுத்திர பாண்டியன், அரசகுளம்.