சீரமைக்கப்படுமா?

கொட்டாரம் பஞ்சாயத்து அலுவலக வளாகத்தில் அரசு நூலகம் ஒன்று செயல்பட்டு வருகிறது. அந்த நூலகத்தில் ஆயிரக்கணக்கான புத்தகங்கள் உள்ளன. பல தினசரி பத்திரிகைகளும் வருகின்றன. ஆனால், இந்த கட்டிடம் மிகவும் சேதமடைந்து கான்கிரீட் பூச்சுகளும் பெயர்ந்து விழுந்த வண்ணம் காணப்படுகிறது. புத்தகங்கள் வைக்கக்கூட போதிய இடவசதி இல்லாத நிலையில் காணப்படுகிறது. பல புத்தகங்கள் தரையில் வைக்கப்பட்டுள்ளன. எனவே, வாசகர்கள் நலன் கருதி சேதமடைந்த நூலக கட்டிடத்தை சீரமைக்க அதிகாரிகள் நடவடிக்கை எடுக்க வேண்டும்.

-கே.எ.நாராயணன், கொட்டாரம்.