மற்றவை - Page 849

புதுக்கோட்டை மாவட்டம், கறம்பக்குடி சீனி கடைமுக்கத்தில் இருந்து பஸ் நிலையம் செல்லும் சாலையில் தனியாருக்கு சொந்தமான இடம் திறந்த வெளி கழிப்பிடமாக செயல்பட்டு வருகிறது. இதனால் இப்பகுதியில் கடும் துர்நாற்றம் வீசுகிறது. அந்த சாலையில் நடந்து செல்வோர், பஸ் பயணிகள் என அனைவரும் மூக்கை மூடிக்கொண்டு செல்லவேண்டிய நிலை உள்ளது. மேலும் இப்பகுதியில் ஓட்டல், டீக்கடை, பேக்கரி போன்ற உணவு பண்டங்கள் விற்பனை செய்யும் கடைகள் அதிகம் உள்ளன. இந்த திறந்தவெளி கழிப்பிடத்தால் வாடிக்கையாளர்கள் முகம் சுளிக்கும் நிலை உள்ளதுடன்,...

ஆதரவு: 0

Enter Name and Email

Error in submitting

17 May 2023 10:45 AM GMT

முத்துவேல் | அரவக்குறிச்சி

#32756

பயனற்ற எரிவாயு மயானம்

கரூர் மாவட்டம் புன்செய் புகழூர், காகித ஆலை, தோட்டக்குறிச்சி ஆகிய பேரூராட்சிகள், வேட்டமங்கலம், புன்னம், திருக்காடுதுறை, என்.புகழூர், கோம்புப்பாளையம் ஆகிய ஊராட்சிகள் மற்றும் சுற்றுவட்டார பகுதிகளைச் சேர்ந்த இறந்தவர்களை எரிப்பதற்காக பேச்சிப்பாறை சுடுகாட்டில் நவீன எரிவாயு மயானம் கட்டப்பட்டு செயல்பட்டு வந்தது. இந்நிலையில் இந்த மயானம் நீண்ட ஆண்டுகளாக செயல்பட்டு வந்ததன் காரணமாக எரிவாயு மயானத்தில் இருந்த இயந்திரங்கள் பழுதடைந்து சுமார் 3 ஆண்டுகளுக்கு மேல் பயன்பாடற்று இருந்தது. பின்னர் இது குறித்து...

ஆதரவு: 0

Enter Name and Email

Error in submitting

17 May 2023 10:45 AM GMT

நல்லமுத்து | அரியலூர்

#32755

ஏரியை ஆக்கிரமிக்கும் ஆகாய தாமரைகள்

அரியலூர் சித்தேரியில் அதிக அளவில் ஆகாயத்தாமரைகள் படர்ந்து வருகிறது. இதனால் இந்த ஏரியில் மழை பெய்யும்போது, போதுமான அளவு மழை நீரை சேகரிக்க முடியாத நிலை ஏற்பட்டுள்ளது. இதன் காரணமாக வெயில் காலங்களில் இப்பகுதியில் நிலத்தடி நீர்மட்டம் குறைய அதிக வாய்ப்பு உள்ளது. எனவே இது குறித்து சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம்.

ஆதரவு: 0

Enter Name and Email

Error in submitting

17 May 2023 10:44 AM GMT

பன்னீர்செல்வம் | திருச்சிராப்பள்ளி மேற்

#32750

கட்டிக்க வரும் தெருநாய்கள்

திருச்சி நம்பர் 1 டோல்கேட் வி.என்.நகர் பகுதியில் ஏராளமான தெருநாய்கள் சாலைகளில் சுற்றித்திரிகின்றன. இவை ஒன்றுடன் ஒன்று சண்டையிட்டுக்கொண்டு சாலையின் குறுக்கே திடீரென ஓடுவதினால் இருசக்கர வாகனங்களில் செல்பவர்கள் நிலைதடுமாறி கீழே விழுந்து காயம் அடைந்து வருகின்றனர். மேலும் சாலையில் நடந்து செல்லும் பெண்களையும், குழந்தைகளையும் தெருநாய்கள் கடிக்க வருவதினால் அவர்கள் பெரிதும் அச்சத்தில் உள்ளனர். எனவே இது குறித்து சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம்.

ஆதரவு: 0

Enter Name and Email

Error in submitting

17 May 2023 9:45 AM GMT

Mr.R.Maharaja | பல்லடம்

#32747

வேகத்தடைக்கு தரமற்ற வர்ணம்

திருப்பூர் ஏ.பி.நகர். அய்யம்பாளையம், காளிநாதம்பாளையம், குன்னாங்கல்பாளையம், நொச்சிப்பாளையம் ஆகிய இடங்களில் வேகத்தடை அமைக்கப்பட்ட வேகத்தடைக்கு 2 முறை வர்ணம் பூசப்பட்டது. அந்த வர்ணம் தரமற்றதாக இருப்பதால் 2 முறை பூசியும் அழிந்துவிட்டன. இதனால் வேகத்தடை இருப்பது வாகன ஓட்டிகளுக்கு தெரிவதில்லை. எனவே தரமான வர்ணம் பூச வேண்டும் என்று வாகன ஓட்டிகள் கோரிக்கை விடுத்துள்ளனர்.

ஆதரவு: 0

Enter Name and Email

Error in submitting

17 May 2023 9:44 AM GMT

Mr.R.Maharaja | பல்லடம்

#32746

சாலைகளில் தாறுமாறாக நிறுத்தப்படும் வாகனங்கள்

பல்லடத்தில் சாலைகளில் தாறுமாறாக நிறுத்தப்படும் வாகனங்களால் விபத்துகள் நேரும் அபாயம் ஏற்பட்டுள்ளது. போலீஸ் நிலையம் எதிரே அமைந்துள்ள டீக்கடை முன்பு வாகனங்கள் தாறுமாறாக நிறுத்தப்படுகின்றன. இதனால் விபத்துகள் ஏற்படும் அபாயம் உள்ளது. எனவே விபத்துகள் நேராக வண்ணம் நடவடிக்கை எடுக்க வேண்டும் என வாகன ஓட்டிகள் கோரிக்கை விடுத்துள்ளனர்.

ஆதரவு: 0

Enter Name and Email

Error in submitting

17 May 2023 9:13 AM GMT

முகம்மது சாஜுதீன் | தொண்டாமுத்தூர்

#32735

தெருநாய்கள் தொல்லை

கோவை உக்கடம், கரும்புக்கடை, பிலால் எஸ்டேட் ஆகிய பகுதிகளில் தெருநாய்கள் தொல்லை நாளுக்குநாள் அதிகரித்து வருகிறது. அவை சாலையில் நடந்து செல்வோரை துரத்தி சென்று கடிக்க முயல்கின்றன. மேலும் வாகனங்களில் செல்வோரையும் துரத்துகின்றன. குறிப்பாக இருசக்கர வாகன ஓட்டிகளை துரத்தி சென்று, விபத்தில் சிக்க வைக்கின்றன. இதனால் சாலையில் செல்லவே பொதுமக்கள் அச்சப்பட வேண்டியுள்ளது. எனவே தெருநாய்கள் தொல்லையை கட்டுப்படுத்த சம்பந்தப்பட்ட துறை அதிகாரிகள் உரிய நடவடிக்ைக எடுக்க வேண்டும்.

ஆதரவு: 0

Enter Name and Email

Error in submitting

17 May 2023 9:10 AM GMT

கண்ணன், கோத்தகிரி | குன்னூர்

#32734

பார்த்தீனியம் செடிகள் அகற்றம்

கோத்தகிரி காந்தி மைதானத்தில் பார்த்தீனியம் செடிகள் அடர்ந்து வளர்ந்து இருந்ததால் விளையாட்டு வீரர்கள் மற்றும் நடைபயிற்சி செல்வோருக்கு சுவாச கோளாறு ஏற்படும் அபாயம் இருந்தது. இந்த பார்த்தீனியம் செடிகளை அகற்ற வேண்டும் என்று 'தினத்தந்தி' புகார் பெட்டியில் செய்தி வெளியானது. இதன் எதிரொலியாக அங்கு வளர்ந்திருந்த பார்த்தீனியம் செடிகள் பொக்லைன் எந்திரம் மூலம் அகற்றப்பட்டது. இதனால் செய்தி வெளியிட்ட 'தினத்தந்தி'க்கும், நடவடிக்கை எடுத்த அதிகாரிகளுக்கும் நன்றி.

ஆதரவு: 1

Enter Name and Email

Error in submitting

17 May 2023 9:08 AM GMT

குமார், கோத்தகிரி | குன்னூர்

#32733

குரங்குகள் அட்டகாசம்

கோத்தகிரி மார்க்கெட், தாசில்தார் அலுவலகம், புயல் நிவாரண கூடம் உள்ளிட்ட பகுதிகளில் நூற்றுக்கணக்கான குரங்குகள் கூட்டம், கூட்டமாக வந்து அட்டகாசம் செய்து வருகின்றன. இதனால் பொதுமக்கள், வியாபாரிகள் என அனைத்து தரப்பினரும் பெரும் சிரமத்திற்கு உள்ளாகி வருகின்றனர். மேலும் வீடுகளை விட்டு வெளியே வரவே அச்சப்படுகிறார்கள். மேலும் குழந்தைகளை வெளியே விளையாட அனுப்ப முடியவில்லை. எனவே அட்டகாசம் செய்து வரும் குரங்குகளை கூண்டு வைத்து பிடித்து வனப்பகுதியில் விட வனத்துறையினர் நடவடிக்கை எடுக்க வேண்டும்.

ஆதரவு: 1

Enter Name and Email

Error in submitting

17 May 2023 7:07 AM GMT

Ramdhas C | கன்னியாகுமரி

#32732

சீரமைக்கப்படுமா?

அகஸ்தீஸ்வரம் பேரூராட்சிக்கு உட்பட்ட கவர்குளம் மறுகால் வழியாக ஒரு ஓடை வால் குளம் செல்கிறது. இந்த ஓடையில் சந்தையடி பகுதியில் உள்ள பெரியவர்களும், குழந்தைகளும் குளிக்கிறார்கள். இந்த ஓடையின் சுவர்கள் சேதமடைந்து உள்ளது. எனவே சம்பந்தப்பட்ட அதிகாரிகள் ஓடை சுவரை சீரமைக்க நடவடிக்கை எடுக்க வேண்டும்.சி.ராம்தாஸ், சந்தையடி.

ஆதரவு: 0

Enter Name and Email

Error in submitting

17 May 2023 6:48 AM GMT

வினு | விளவங்கோடு

#32729

விபத்து அபாயம்

விபத்து அபாயம்மார்த்தாண்டம் மேம்பாலத்தில் பஸ்சிற்காக காத்திருக்கும் பயணிகள் வசதிக்காக நிழற்குடை அமைக்கப்பட்டுள்ளது. இந்த நிழற்குடையின் இரும்பு தூண்கள் சேதமடைந்து காணப்படுகிறது. இதனால், காற்றின் வேகத்திற்கு எப்போது வேண்டுமானாலும் நிழற்குடை சரிந்து விழுந்து பயணிகள் விபத்தில் சிக்கும் அபாயம் உள்ளது. எனவே, பயணிகள் நலன்கருதி நிழற்குடையை சீரமைக்க சம்பந்தப்பட்ட அதிகாரிகள் நடவடிக்கை எடுக்க வேண்டும். -வினு, குன்னத்தூர். 96550 85264.(படம் உண்டு)

ஆதரவு: 0

Enter Name and Email

Error in submitting

17 May 2023 6:43 AM GMT

சி.நடராஜ பிள்ளை | கன்னியாகுமரி

#32728

நடவடிக்கை தேவை

நடவடிக்கை தேவைநாகர்கோவிலில் இருந்து தடம் எண் 33 என்ற அரசு பஸ் தாழக்குடி தேருக்கு சென்று வருகிறது. விவசாயிகள் விளைபொருட்கள் கொண்டு செல்வதற்கு வசதியாக இந்த பஸ்சில் இடவசதி அமைக்கப்பட்டுள்ளது. இதனால், அதில் அதிகளவு பயணிகள் அமர்ந்து செல்ல இயலாது. ஆனால், தற்போது விவசாயிகள் விளை பொருட்களை தங்களுக்கு சொந்தமான வாகனங்களில் கொண்டு செல்வதால் பஸ்சை பயன்படுத்துவதில்லை. எனவே, அந்த பஸ்சை பயணிகள் அமர்ந்து செல்லும் வகையில் இருக்கைகள் அமைக்க சமந்தப்பட்ட அதிகாரிகள் நடவடிக்கை எடுக்க வேண்டும்.-சி.நடராஜ பிள்ளை,...

ஆசிரியர் குறிப்பு

ஆதரவு: 0