அடிப்படை வசதிகள் இல்லாத காவேரிநகர்

சேலம் மாநகராட்சி சூரமங்கலம் 23-வது வார்டில் காவேரி நகரில் சாக்கடை, குடிநீர் வசதி என எந்த அடிப்படை வசதிகளும் இல்லை. இதனால் பொதுமக்கள் சிரமப்பட்டு வருகின்றனர். மேலும் அந்த பகுதியில் உள்ள பூங்கா செடி கொடிகள் வளர்ந்து விஷப்பூச்சிகள் வசிக்கும் இடமாக மாறி வருகிறது. இதை சீர்படுத்தி, சிறுவர்கள் விளையாடும் இடம், பெரியவர்கள் நடைபயிற்சி மேற்கொள்ளும் இடம் ஏற்படுத்தி கொடுக்க வேண்டும் என பலமுறை புகார் அளித்தும் பலன் இல்லை. எனவே கவனிப்பார் இல்லாத காவேரி நகரில் சம்பந்தப்பட்ட அலுவலர்கள் அடிப்படை தேவைகளை நிறைவேற்றி கொடுக்க வேண்டும்.

-ராமமூர்த்தி, காவேரிநகர், சேலம்.