மற்றவை - Page 1518

விருதுநகர் மாவட்டம் சிவகாசி பஸ் நிலையத்தில் உள்ள இருசக்கர வாகன காப்பகத்தில் வாகனங்களை நிறுத்த அனுமதிக்கப்பட்ட கட்டணத்திற்கும் அதிகமாக வசூலிக்கப்படுகிறது. இதனால் அவசரத்திற்கு வாகனங்களை நிறுத்தவரும் வாகனஓட்டிகள் சிரமப்படுகிறார்கள். சம்பந்தப்பட்ட அதிகாரிகள் இதனை கவனித்து நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

27 Aug 2022 3:31 PM GMT

பொதுமக்கள் | கரூர்

#11138

நாய்கள் தொல்லை

கரூர் மாவட்டம், தரகம்பட்டி பகுதியில் ஏராளமான தெருநாய்கள் சாலைகளில் சுற்றித்திரிகின்றன. இவை இந்த வழியாக செல்லும் இருசக்கர வாகன ஓட்டிகளை கடிக்க துரத்துவதினால் அவர்கள் பயத்தில் நிலைதடுமாறி கீழே விழுந்து காயமடைந்து வருகின்றனர். எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம்.

ஆதரவு: 0

Enter Name and Email

Error in submitting

27 Aug 2022 3:30 PM GMT

பரத்ராஜா | விருதுநகர்

#11136

பெயர் பலகை வேண்டும்

விருதுநகர் மாவட்டம் ஆமத்தூர் தபால் நிலையத்தில் பெயர் பலகை இல்லாமல் உள்ளது. இதனால் பொதுமக்கள் இடம் தெரியாமல் தடுமாறுகிறார்கள். எனவே சம்பந்தப்பட்ட அதிகாரிகள் இந்த தபால் நிலையத்திற்கு பெயர் பலகை வைக்க நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

27 Aug 2022 3:16 PM GMT

Mr. Raja | நாகப்பட்டினம்

#11133

பன்றிகள் தொல்லை

நாகை மாவட்டத்தில் பஸ் நிலையம், ரெயில்நிலையம் உள்பட பல்வேறு பகுதியில் போக்குவரத்துக்கு இடையூராக பன்றிகள் சுற்றித்திரிகின்றன . பன்றிகள் சாலையில் திரிவதால் இருசக்கர வாகன ஓட்டிகள் நிலை தடுமாறி விழுந்து விபத்தில் சிக்கி விடுகின்றனர். எனவே சம்பந்தப்பட்ட அதிகாரிகள் உரிய நடவடிக்கை எடுத்து பன்றிகளை அப்புறப்படுத்த வேண்டும், மேலும் பன்றி வளர்ப்பவர்களுக்கு அபராதம் விதிக்க வேண்டும் என்று பொதுமக்கள் கோரிக்கை விடுத்துள்ளனர். பொதுமக்கள் , நாகை.

ஆதரவு: 0

Enter Name and Email

Error in submitting

27 Aug 2022 2:59 PM GMT

பொதுமக்கள் | புதுக்கோட்டை

#11132

இரவு நேரங்களில் ஆம்புலன்ஸ் இயக்கப்படுமா?

புதுக்கோட்டை மாவட்டம், பரம்பூர், காரையூர், ராஜநாயகம்பட்டி, மழையூர், வாராப்பூர், புனல்குளம், வல்லதிராகோட்டை ஆகிய 7 இடங்களிலும் 108 ஆம்புலன்ஸ் சேவை உள்ளது. இந்த ஆம்புலன்சுகள் கடந்த 6 மாதங்களாக இரவு நேரங்களில் இயக்கப்படவில்லை. இதனால் இரவு நேரங்களில் நோயாளிகள் மற்றும் விபத்தில் சிக்குபவர்களை மருத்துவமனைக்கு கொண்டு செல்ல மிகவும் சிரமப்பட்டு வருகின்றனர். எனவே 24 மணிநேரமும் ஆம்புலன்ஸ் சேவை இயங்க நடவடிக்கை எடுக்க வேண்டும் என கேட்டுக்கொள்கிறோம்.

ஆதரவு: 0

Enter Name and Email

Error in submitting

27 Aug 2022 2:51 PM GMT

பழனிசாமி | செங்கல்பட்டு

#11131

தீர்வு கிடைக்குமா?

செங்கல்பட்டு அரசு ஆஸ்பத்திரியில் விபத்து மற்றும் தற்கொலை மூலம் உயிரிழந்தவர்களின் உடல்களை பிரேத பரிசோதனை செய்து தருவார்கள். மேலும் அவர்கள் எப்படி இறந்தார்கள் என்பதை கண்டறிய 5 வகையான உடல் உறுப்புகளை எடுத்து ரசாயண பரிசோதனைக்கு அனுப்புவார்கள். ஆனால் கடந்த 2 மாதங்களாக பலரின் உடல் உறுப்புகள் ரசாயன பரிசோதனைக்கு எடுத்துச் செல்லாமல் அப்படியே தேங்கி நிற்கின்றன. இதற்கு உடனடி தீர்வு கிடைக்குமா?

ஆதரவு: 0

Enter Name and Email

Error in submitting

27 Aug 2022 2:50 PM GMT

பழனிசாமி | செங்கல்பட்டு

#11130

பாலத்தில் பள்ளம்

செங்கல்பட்டு மாவட்டம், திருச்சியிலிருந்து சென்னை செல்லும் தேசிய நெடுஞ்சாலை, பரனூர் சுங்கச்சாவடி அருகே ரெயில்வே மேம்பாலம் உள்ளது. அந்த பாலத்தின் மீது பள்ளம் ஏற்பட்டுள்ளதால் வாகனத்தில் செல்பவர்கள் சறுக்கி கீழே விழும் சம்பவங்கள் அதிகமாக நடக்கிறது. விபத்து ஏற்படும் முன்பு பாலத்தில் ஏற்பட்டுள்ள பள்ளத்தை சரி செய்ய வேண்டுகிறோம்.

ஆதரவு: 0

Enter Name and Email

Error in submitting

27 Aug 2022 2:48 PM GMT

பொதுமக்கள் | பெரம்பலூர்

#11128

தேங்கி நிற்கும் மழைநீர்

பெரம்பலூர் மாவட்டம், ஆலத்தூர் தாலுகா குரூர் கிராமத்தில் தற்போது பருவமழை பெய்து வருகிறது. இதனால் அப்பகுதியில் ஆங்காங்கே மழை தேங்கி நிற்கிறது. இதனால் அதில் இருந்து கொசுக்கள் உற்பத்தியாக சுகாதார சீர்கேடு ஏற்பட்டு வருகிறது. மேலும் இரவு நேரங்களில் வாகனங்களில் தேங்கி நிற்கும் தண்ணீர் சிக்கி கீழே விழுந்து வருகின்றனர். எனவே சம்பந்தப்பட்ட அதிகாரிகள் இதுகுறித்து நடவடிக்கை எடுக்க வேண்டும் என கேட்டுக் கொள்கிறோம்.

ஆதரவு: 0

Enter Name and Email

Error in submitting

27 Aug 2022 2:46 PM GMT

பொதுமக்கள் | பெரம்பலூர்

#11126

பாலப்பணியை விரைந்து முடிக்க கோரிக்கை

பெரம்பலூர் மாவட்டம், குன்னம் அருகே வேப்பூரில் இருந்து புதுவேட்டக்குடி செல்லும் சாலையில் கருங்குளம் அருகே புதிதாக உயர்மட்ட மேம்பாலம் கட்டப்பட்டு வருகிறது. இந்த பணி கடந்த 6 மாதங்களாக மந்தமாக நடந்து வருகிறது. தற்போது அப்பகுதியில் மழை பெய்து வருவதால் போக்குவரத்திற்கு இடையூறு ஏற்பட்டு வருகிறது. எனவே பாலப்பணிகளை விரைந்து முடிந்து பொதுமக்களின் பயன்பாட்டிற்கு விட வேண்டும் என அப்பகுதி பொதுமக்கள் கோரிக்கை விடுத்துள்ளனர்.

ஆதரவு: 0

Enter Name and Email

Error in submitting

27 Aug 2022 2:46 PM GMT

முருகன் | செங்கல்பட்டு

#11125

தெருநாய் பிரச்சினை தீர்ந்தபாடில்லை

செங்கல்பட்டு மாவட்டம் மறைமலைநகர் நகராட்சிக்குட்பட்ட பல்வேறு தெருக்களில் தெரு நாய்கள் அதிகளவில் சுற்றி வருகிறது. இதனால் சாலையில் செல்லும் பொதுமக்கள் அச்சத்துடன் சென்று வருகின்றனர். எனவே பொதுமக்களின் நலன் கருதி தெரு நாய்களை பிடிப்பதற்கு நகராட்சி நிர்வாகம் நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

27 Aug 2022 2:45 PM GMT

தனராஜ் | காஞ்சிபுரம்

#11124

பழுதடைந்த அங்கன்வாடி கட்டிடம்

காஞ்சீபுரம் மாவட்டம் வாலாஜாபாத் வேளியூர் பகுதியில் உள்ள தொடக்கப்பள்ளி வளாகத்தில் அங்கன்வாடி மையம் செயல்பட்டு வந்தது. புதிய கட்டிடம் கட்டப்பட்ட நிலையில், பாழடைந்த பழைய கட்டிடம் இன்னும் இடிக்கப்படாமல் அப்படியே உள்ளது. அசம்பாவிதம் ஏற்படும் முன்பு பழைய அங்கன்வாடி மையத்தை இடித்து அப்புறப்படுத்த வேண்டுகிறோம்

ஆதரவு: 0

Enter Name and Email

Error in submitting

27 Aug 2022 2:44 PM GMT

கலியமூர்த்தி | காஞ்சிபுரம்

#11122

அடிப்படை வசதி வேண்டி விண்ணப்பம்

காஞ்சீபுரம், செங்கல்பட்டு மாவட்டத்தை சேர்ந்த கர்ப்பிணி பெண்கள் மகப்பேறு சிகிச்சை பெறுவதற்காக செங்கல்பட்டு அரசு தலைமை மருத்துவமனையில் சிகிச்சை பெற்று வருகின்றனர். இந்த மருத்துவமனையில் உள்ள அவசரகால தாய் சேய் தீவிர சிகிச்சை பிரிவு கட்டிடத்தில் குடிநீர் வசதி இல்லை. மேலும் கழிப்பறைகளில் தண்ணீர் வசதி இல்லாததால் குழந்தை பெற்ற தாய்மார்கள் அவதிக்குள்ளாகிறார்கள். அடிப்படை வசதிகள் செய்து தர மாவட்ட நிர்வாகம் நடவடிக்கை எடுக்குமா?

ஆதரவு: 0