மற்றவை - Page 144

கடமலைக்குண்டு ஈஸ்வரன் கோவில் தெருவில் உள்ள சுகாதார வளாகத்துக்கு அருகில் வைக்கப்பட்டுள்ள மின்சார பெட்டி திறந்த நிலையில் இருக்கிறது. அந்த வழியாக செல்லும் சிறுவர், சிறுமிகள் அந்த பெட்டியை தொட நேர்ந்தால் மின்விபத்து ஏற்படும் அபாயம் உள்ளது. எனவே திறந்த நிலையில் இருக்கும் மின்சார பெட்டிக்கு மூடி அமைக்க வேண்டும்.

ஆதரவு: 0

Enter Name and Email

Error in submitting

17 Aug 2025 4:43 PM GMT

பொதுமக்கள் | ஈரோடு கிழக்கு

#58566

தெருநாய்கள் தொல்லை

ஈரோடு முனிசிபல் காலனி திரு.வி.க. ரோட்டில் தெருநாய்கள் அதிகமாக சுற்றித்திரிகின்றன. இவை அந்த வழியாக வரும் வாகன ஓட்டிகளை துரத்துகின்றன. இதனால் அந்த வழியாக செல்ல வாகன ஓட்டிகள் அச்சப்படுகின்றனர். தெருநாய்களை கட்டுப்படுத்த அதிகாரிகள் முன்வர வேண்டும்.

ஆதரவு: 1

Enter Name and Email

Error in submitting

17 Aug 2025 4:43 PM GMT

பொதுமக்கள் | ஆண்டிப்பட்டி

#58564

புதர்மண்டி காட்சியளிக்கும் ஓடை

கடமலைக்குண்டு பாலூத்து ஓடையை ஆக்கிரமித்து செடி-கொடிகள் வளர்ந்து புதர்மண்டி காட்சியளிக்கிறது. இதனால் மழைக்காலங்களில் ஓடையில் தண்ணீர் தேங்காமல் குடியிருப்புக்குள் புகுந்துவிடுகிறது. இதன் காரணமாக பொதுமக்கள் அவதிப்படுகின்றனர். எனவே ஓடையை ஆக்கிரமித்து வளர்ந்திருக்கும் செடி-கொடிகளை உடனே அகற்ற வேண்டும்.

ஆதரவு: 0

Enter Name and Email

Error in submitting

17 Aug 2025 4:42 PM GMT

பொதுமக்கள் | பவானிசாகர்

#58563

போக்குவரத்து பாதிப்பு

புஞ்சைபுளியம்பட்டி எரங்காட்டுபாளையம் அருகே கோட்டபாளையத்தில் உள்ள ஓடை பராமரிப்பின்றி காணப்படுகிறது. ஓடை தூர்வாரப்படாததால் செடி, கொடிகள், ஆகாயத்தாமரைகள் மற்றும் சீமை கருவேல மரங்கள் வளர்ந்து காணப்படுகிறது. இதனால் மழை வெள்ளம், வீடுகளில் இருந்து வெளியேறும் சாக்கடை கழிவுநீர் ஓடையின் மேல் உள்ள பாலத்தின் மீது ஆறு போல் ஓடி வருகிறது. இதன் காரணமாக போக்குவரத்து பாதிக்கப்படுகிறது. ஓடையை தூர்வார அதிகாரிகள் நடவடிக்கை எடுப்பார்களா?

ஆதரவு: 0

Enter Name and Email

Error in submitting

17 Aug 2025 4:38 PM GMT

பொதுமக்கள் | பவானிசாகர்

#58560

பராமரிப்பின்றி கழிப்பிடம்

சத்தியமங்கலம் அருகே உள்ள அரியப்பம்பாளையம் பேரூராட்சிக்குட்பட்ட 13-வது வார்டுக்குட்பட்ட ஜல்லியூரில் பெண்கள் மற்றும் குழந்தைகளுக்காக கழிப்பறை, குளியலறை கடந்த 10 ஆண்டுகளுக்கு முன்பு கட்டப்பட்டு திறந்து வைக்கப்பட்டது. அதன்பின்னர் சரியாக பராமரிக்கப்படவில்லை. சுவரில் விரிசல் ஏற்பட்டு காணப்படுகிறது. கான்கிரீட் காரைகள் பெயர்ந்து விழுந்து பொதுமக்களுக்கு காயங்கள் ஏற்பட்டு வருகின்றன. எனவே பெண்கள் மற்றும் குழந்தைகளின் நலன் கருதி கழிவறை மற்றும் குளியலறையை சீரமைக்க அதிகாரிகள் நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

17 Aug 2025 4:16 PM GMT

வாகன ஓட்டிகள் | புதுக்கோட்டை

#58556

தெருநாய்கள் தொல்லை

புதுக்கோட்டை நகரப் பகுதியில் தெருநாய்கள் தொல்லை நாளுக்குநாள் அதிகரித்து வருகிறது. 20-க்கும் மேற்பட்ட தெருநாய்கள் கூட்டம், கூட்டமாக சாலைகளில் சுற்றித்திரிகின்றன. அவை அந்த வழியாக நடந்து செல்வோரையும், இருசக்கர வாகனங்களில் செல்வோரையும் துரத்தி சென்று கடிக்க முயல்கின்றன. இதனால் விபத்துகளும் ஏற்படுகிறது. எனவே அங்கு தெருநாய்கள் தொல்லையை கட்டுப்படுத்த சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.

ஆதரவு: 0

Enter Name and Email

Error in submitting

17 Aug 2025 4:06 PM GMT

வாகனஓட்டிகள் | காட்டுமன்னார்கோயில்

#58554

எச்சரிக்கை பலகை அவசியம்

காட்டுமன்னார்கோவில் அடுத்த திருமூலஸ்தானம் -எடையார் செல்லும் சாலையோரத்தில் பள்ளம் உள்ளது. அப்பகுதியில் வாகனஓட்டிகள் எதிரே வரும் வாகனத்திற்கு வழிவிடும் போது சாலையோர பள்ளத்தில் சிக்கி கீழே விழுந்து விபத்துகளில் சிக்கிக் கொள்கின்றனர். எனவே உயிர்ச்சேதம் ஏதும் ஏற்படும் முன் வாகனஓட்டிகள் கவனிக்கும் படி அங்கு எச்சரிக்கை பலகை அமைக்க வேண்டியது அவசியம்.

ஆதரவு: 0

Enter Name and Email

Error in submitting

17 Aug 2025 4:05 PM GMT

விவசாயிகள் | புவனகிரி

#58550

ஆக்கிரமிப்புகள் அகற்றப்படுமா?

புவனகிரி அடுத்த கீரப்பாளையத்தில் வாழக்கொல்லை பாசன வாய்க்கால் உள்ளது. ஆக்கிரமிப்புகளால் சுருங்கிப்போன இவ்வாய்க்கால் வழியாக கடைமடை வரை தண்ணீர் செல்ல முடியாமல் உள்ளது. இதனால் விவசாயிகள் கடும் அவதியடைந்து வருகின்றனர். எனவே சம்பந்தப்பட்ட அதிகாரிகள் வாய்க்காலில் உள்ள ஆக்கிரமிப்புகளை அகற்றி தூர்வார வேண்டும் என விவசாயிகள் கோரிக்கை விடுத்துள்ளனர்.

ஆதரவு: 0

Enter Name and Email

Error in submitting

17 Aug 2025 4:05 PM GMT

பொதுமக்கள் | செஞ்சி

#58547

ஆக்கிரமிப்புகள் அகற்றப்படுமா?

செஞ்சி காந்தி கடை வீதியில் நடைபாதையை ஆக்கிரமித்து சிலர் கடைகளை வைத்துள்ளனர். இதனால் பொருட்கள் வாங்க கடைவீதிக்கு வரும் பொதுமக்கள் தங்களது வாகனங்களை சாலையிலேயே நிறுத்திவிட்டு செல்கின்றனர். இதன் காரணமாக அப்பகுதியில் அடிக்கடி போக்குவரத்து நெரிசல் ஏற்பட்டு வருவதோடு விபத்துகள் ஏற்படும் அபாயமும் உருவாகி உள்ளது. இதை தவிர்க்க அதிகாரிகள் விரைந்து நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.

ஆதரவு: 0

Enter Name and Email

Error in submitting

17 Aug 2025 4:04 PM GMT

விவசாயிகள் | செஞ்சி

#58545

பராமரிப்பற்ற அங்கன்வாடி கட்டிடம்

செஞ்சி அடுத்த மேல்சேவூர் கிராமத்தில் உள்ள அங்கன்வாடி மைய கட்டிடம் பராமரிப்பின்றி கடும் சேதமடைந்துள்ளது. மேலும் சுற்றுப்புற சுவர்களில் விரிசல்களும் ஏற்பட்டுள்ளது. இதனால் அப்பகுதி மக்கள் ஒருவித பயத்துடனேயே தங்களது குழந்தைகளை அங்கன்வாடி மையத்திற்கு அனுப்புகின்றனர். எனவே விபரீதம் ஏதும் ஏற்படும் முன் சேதமடைந்த பழைய கட்டிடத்தை இடித்து அகற்றிவிட்டு புதிதாக கட்டித்தர அதிகாரிகள் நடவடிக்கை எடுக்க வேண்டியது அவசியம்.

ஆதரவு: 0

Enter Name and Email

Error in submitting

17 Aug 2025 4:02 PM GMT

வாகனஓட்டிகள் | விழுப்புரம்

#58543

கால்நடைகளுக்கு சிகிச்சை அளிக்கப்படுமா?

அரசூர் மற்றும் குமாரமங்கலம் பகுதிகளில் கால்நடை மருத்துவமனைகள் உள்ளன. இங்கு கால்நடைகளுக்கு சரிவர சிகிச்சை அளிக்கப்படுவதில்லை. இதனால் கால்நடைகளை வளர்த்து வரும் விவசாயிகள் கடும் அவதியடைந்து வருகின்றனர். இதை தவிர்க்க அதிகாரிகள் உரிய நடவடிக்கை எடுக்க வேண்டும் என சமூக ஆர்வலர்கள் கோரிக்கை விடுத்துள்ளனர்.

ஆதரவு: 0

Enter Name and Email

Error in submitting

17 Aug 2025 4:01 PM GMT

பொதுமக்கள் | கள்ளக்குறிச்சி

#58542

நாய்களால் விபத்து

சின்னசேலம் மற்றும் அதன் சுற்றுவட்டார பகுதிகளில் நாளுக்கு நாள் தெருநாய்கள் தொல்லை அதிகரித்து காணப்படுகிறது. இவை சாலையில் செல்லும் இருசக்கர வாகன ஓட்டிகள் மற்றும் பொதுமக்களை கடிக்க பாய்கிறது. இதனால் அடிக்கடி வாகனஓட்டிகள் விபத்துகளிலும் சிக்கி வருகின்றனர். எனவே நாய்களை பிடித்து அப்புறப்படுத்த வேண்டும் என கிராம மக்கள் எதிர்பார்த்துள்ளனர்.

ஆதரவு: 0