சுகாதார நிலையம் திறக்கப்படுமா?

தென்தாமரைகுளம் பேரூராட்சிக்குட்பட்ட தேரிவிளை பகுதியில் தென்தாமரைகுளம், ஆண்டிவிளை, கரும்பாட்டூர், சாமிதோப்பு, பூவியூர் உள்பட பகுதிகளை சேர்ந்த பொதுமக்களின் பயன்பாட்டிற்காக துணை ஆரம்ப சுகாதார நிலையம் புதிதாக கட்டப்பட்டது. ஆனால் புதிய கட்டிடம் கட்டி 9 மாதங்கள் ஆகியும் பொதுமக்கள் பயன்பாட்டிற்காக இன்னும் திறக்கப்படவில்லை. இதனால் பொதுமக்கள் சுகாதார நிலையம் எப்போது பயன்பாட்டிற்கு வரும் என எதிர்பார்ப்பில் உள்ளனர். எனவே சம்பந்தப்பட்ட அதிகாரிகள் சுகாதார நிலையத்தை உடனே திறக்க நடவடிக்கை எடுக்க வேண்டும்.