குளம் தூர்வார வேண்டும்

நாகர்கோவில் மீனாட்சிபுரத்தில் இருந்து ஒழுகினசேரி செல்லும் சாலையில் மணியடிச்சான் கோவில் சந்திப்பு உள்ளது. இந்த சந்திப்பை கடந்ததும் சாலையின் வலதுபுறத்தில் செம்மாங்குளம் உள்ளது. தற்போது இந்த குளத்தின் கரையில் நடைபயிற்சி செய்வதற்காக அலங்கார தரைகற்கள் பதிக்கப்பட்டு பயன்பாட்டுக்கு தயார் நிலையில் உள்ளது. ஆனால், இந்த குளத்தில் செடி, கொடிகள் வளர்ந்து புதர் மண்டி காணப்படுகிறது. இதனால், நடைபயிற்சிக்கு செல்லும் பொதுமக்கள் ஆபத்து ஏற்பட வாய்ப்புகள் உள்ளன. எனவே, சம்பந்தப்பட்ட அதிகாரிகள் புதர்களை அகற்றி குளத்தை தூர்வார நடவடிக்கை எடுக்க வேண்டும்.