நடைபாதையில் நிற்கும் இருசக்கர வாகனங்கள்

பெங்களூரு யாதவா கல்லூரி சாலையில் இருந்து நேரு சர்க்கிள் செல்லும் சாலையில் ரெயில்வே மேம்பாலம் உள்ளது. இந்த மேம்பாலம் அருகே உள்ள நடைபாதையை அந்த பகுதியினர் அதிகளவில் பயன்படுத்துகின்றனர். கடந்த சில வாரங்களாக அந்த நடைபாதை பகுதியில் பாதசாரிகளுக்கு இடையூறு ஏற்படுத்தும் வகையில் இருசக்கர வாகனங்கள் நிறுத்தப்பட்டுள்ளன. இதனால் பாதசாரிகள் தவித்து வருகின்றனர். எனவே மாநகராட்சி அதிகாரிகள் அவற்றை அப்புறப்படுத்த நடவடிக்கை எடுக்க வேண்டும்.