சிலாப்பு அமைக்கப்பட்டது

நாகர்கோவில் கோட்டார் டி.வி.டி.காலனியில் இருந்து செட்டிகுளத்துக்கு செல்லும் சாலையின் திருப்பத்தில் சாலையோரத்தில் அமைக்கப்பட்டுள்ள கழிவுநீர் ஓடையில் சிலாப்புகள் அமைக்கப்படாமல் காணப்பட்டது. இதனால், அந்த வழியாக செல்லும் பாதசாரிகள், வாகன ஓட்டிகள் நிலைதடுமாறி ஓடையில் விழுந்து விபத்தில் சிக்கும் அபாயம் ஏற்பட்டது. இதுபற்றி 'தினத்தந்தி' புகார் பெட்டியில் செய்தி வெளியிடப்பட்டது. அதை தொடா்ந்து சம்பந்தப்பட்ட அதிகாரிகள் நடவடிக்கை எடுத்து கழிவுநீர் ஓடையில் சிலாப்பு அமைத்தனர். நடவடிக்கை எடுத்த அதிகாரிகளுக்கும், செய்தியை வெளியிட்ட தினத்தந்திக்கும் அந்த பகுதி பொதுமக்கள் நன்றியை தெரிவித்தனர்.