நடைபாதை மின்கம்பத்தால் மக்கள் அவதி

பெங்களூரு தேவங்கா ஹாஸ்டல் சாலையில் சந்திப்பு பகுதியில் உள்ள நடைபாதையை தினமும் ஏராளமான மக்கள் பயன்படுத்தி வருகிறார்கள். இந்த நிலையில், அந்த நடைபாதையில் நடுவே மின்கம்பம் மற்றும் இரும்பு கம்பி ஒன்று உள்ளது. இந்த மின்கம்பத்தால் அந்த நடைபாதையை பயன்படுத்த முடியாமல் பாதசாரிகள் அவதி அடைகின்றனர். இதனால் அவர்கள் நடைபாதையை விட்டு சாலையில் இறங்கி செல்லும்போது விபத்தில் சிக்கும் அபாயம் உள்ளது. எனவே சம்பந்தப்பட்ட அதிகாரிகள் நடைபாதை மீது நடவடிக்கை எடுக்க வேண்டும்.