பஸ் நிறுத்தம் முன்பு சாலை பள்ளம்

பெங்களூரு சாம்ராஜ்பேட்டை பகுதியில் உள்ள தியேட்டர் அருகில் பஸ் நிறுத்தம் உள்ளது. இந்த பஸ் நிறுத்தத்தை அந்த பகுதி மக்கள் அதிகளவில் பயன்படுத்தி வருகின்றனர். கடந்த சில நாட்களுக்கு முன்பு அந்த பஸ் நிறுத்தம் முன்பு உள்ள சாலையில் திடீர் பள்ளம் ஏற்பட்டது. இதனால் அந்த சாலையில் வரும் வாகன ஓட்டிகள் பள்ளத்தில் இறங்கி, ஏறும்போது விபத்தில் சிக்கும் அபாயம் உள்ளது. எனவே மாநகராட்சி அதிகாரிகள் அந்த சாலை பள்ளத்தை சரிசெய்ய உடனடி நடவடிக்கை எடுக்க வேண்டும்.