தினமும் நூலகம் திறக்கப்படுமா?

கடலூர் மஞ்சக்குப்பம் மைதானத்தில் எஸ்.எஸ்.ராமசாமி படையாட்சியார் மணிமண்டபத்தில் நூலகம் உள்ளது. மணிமண்டபம் திறக்கப்பட்ட ஒரு சில நாட்களே நூலகம் செயல்பட்டது. இதனை போட்டித்தேர்வுக்கு தயாராகும் இளைஞர்கள் மட்டுமின்றி பலர் பயனடைந்து வந்தனர். அதன்பிறகு அந்த நூலகத்தை திறப்பதில்லை. கடந்த 16-ந் தேதி எஸ்.எஸ்.ராமசாமி படையாட்சியார் பிறந்தநாளன்று அவரது சிலைக்கு அரசியல் கட்சியினர் மாலை அணிவிக்க மணிமண்டபத்திற்கு வந்தனர். அன்றை தினம் குறிப்பிட்ட 1 மணி நேரம் மட்டுமே நூலகம் திறந்திருந்தது. அதன்பிறகு அதனை மீண்டும் பூட்டிவிட்டார்கள். எனவே பொதுமக்கள் பயன்பெறும் வகையில் தினமும் நூலகத்தை திறக்க வேண்டும்.