குளத்தை தூர்வார வேண்டும்

தக்கலையில் இருந்து குலசேகரம் செல்லும் சாலையில் இலுப்பக்கோணம் அருகில் பட்டாணிக்குளம் உள்ளது. இந்த குளத்தின் மூலம் ஆயிரக்கணக்கான ஏக்கர் விவசாய நிலங்கள் பாசன வசதி பெற்று வந்தது. மேலும், அப்பகுதி மக்களும் குளிப்பதற்கு பயன்படுத்தி வந்தனர். ஆனால், குளத்தை முறையாக பராமரிக்காததால் பாசி படர்ந்து தண்ணீர் மாசடைந்து துர்நாற்றம் வீசி வருகிறது. இதனால், பொதுமக்கள் குளத்தை பயன்படுத்த முடியாத நிலை ஏற்பட்டுள்ளது. எனவே, சம்பந்தப்பட்ட அதிகாரிகள் குளத்தை தூர்வாரி மக்கள் பயன்பாட்டுக்கு கொண்டுவர சம்பந்தப்பட்ட அதிகாரிகள் நடவடிக்கை எடுக்க வேண்டும்.

-சுரேஷ், இலுப்பக்கோணம்.