சுகாதார சீர்கேடு

அரியலூர் மாவட்டம் ஜெயங்கொண்டம் 16-வது வார்டு இந்திராநகர் பகுதியில் உள்ள குடியிருப்புவாசிகள் சாலையோரம் குப்பைகளை கொட்டி வருகின்றனர். இந்த குப்பைகள் கடந்த 2 மாதங்களுக்கு மேலாக அகற்றப்படாததால் அதில் நாய்கள், பன்றிகள், மாடுகள் உள்ளிட்டவை குப்பைகளை கிளறி விடுவதால் துர்நாற்றம் வீசுவதுடன், இப்பகுதியில் சுகாதார சீர்கேடு ஏற்பட்டுள்ளது. மேலும் பிளாஸ்டிக் கவர்களை கால்நடைகள் உண்பதினால் அவற்றின் உடல்நிலை பாதிக்கும் அபாயம் உள்ளது. எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுத்து குப்பைகளை அகற்ற வேண்டும் என கேட்டுக்கொள்கிறோம்.