குப்பைகளுக்கு தீ வைப்பு

திருச்சி மாவட்டம், நெம்பர்-1 டோல்கேட் சமயபுரம் பஸ் நிறுத்தம் அருகில் செல்லும் வாய்க்கால் ஓரத்தில் ஏராளமான பிளாஸ்டிக் கழிவுகள் மற்றும் குப்பைகள் கொட்டப்பட்டு வருகிறது. இதனால் இப்பகுதியில் சுகாதார சீர்கேடு ஏற்படுவதுடன் மழைக்காலங்களில் இப்பகுதியில் கடும் துர்நாற்றம் வீசுகிறது. இந்த நிலையில் சில நேரங்களில் இந்த குப்பைகளுக்கு மர்மநபர்கள் தீ வைப்பதினால் இப்பகுதி புகை மண்டலம் போல் காட்சி அளிப்பதுடன் முதியவர்கள் மற்றும் குழந்தைகளுக்கு மூச்சு திணறல் ஏற்பட்டு வருகிறது. எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம்.