குப்பைகளை அகற்ற வேண்டும்

நாமக்கல் அடுத்த பொம்மை குட்டைமேடு பஸ் நிறுத்தம் அருகே இரு வேறு இடங்களில் குப்பை தொட்டிகள் வைக்கப்பட்டுள்ளன. அப்பகுதியை சேர்ந்த பொதுமக்கள் குப்பைகளை கொட்டி வருகின்றனர். சிலர் அவ்வப்போது குப்பை தொட்டிக்கு வெளியிலேயே குப்பைகளை போட்டு விட்டு செல்கின்றனர். அங்கிருந்து குப்பைகள் அவ்வப்போது அகற்றப்படாததால், அந்தப் பகுதியில் துர்நாற்றம் வீசுகிறது. மேலும் சுகாதார சீர்கேடு ஏற்படும் சூழல் உருவாகி உள்ளது. அதை தவிர்க்க தினந்தோறும் குப்பைகளை அகற்ற மாவட்ட நிர்வாகம் நடவடிக்கை எடுக்க வேண்டும். மேலும் பொதுமக்கள் குப்பை தொட்டிக்கு வெளியில் குப்பைகளை போடுவதை தடுக்க விழிப்புணர்வை ஏற்படுத்த வேண்டும்.