சாலையோரம் குவிந்து கிடக்கும் குப்பை

பெங்களூரு சாந்திநகர் பஸ் நிலையம் செல்லும் பகுதியில் சாலையோரம் குப்பை குவிந்து கிடக்கிறது. அந்த குப்பையை கால்நடைகள் கிளறி சாலையில் போட்டு செல்கின்றன. இதனால் சாலை வரை குப்பை பரவி கிடக்கிறது. குப்பையில் பல்வேறு கழிவுகள் இருப்பதால் தூர்நாற்றம் வீசுகிறது. அந்த வழியாக தினமும் ஏராளமான வாகனங்கள் செல்கின்றன. பஸ்களில் செல்பவர்கள் மூக்கை பிடித்து கொண்டு தான் செல்கின்றனர். சாலையோரம் குப்பை கொட்டுவதை தடுக்க அதிகாரிகள் நடவடிக்கை எடுப்பார்களா?