பள்ளி முன் குவியும் குப்பை

திருப்பூர் கொங்கு மெயின் ரோட்டில் சின்னசாமியம்மாள் மாநகராட்சி மேல்நிலைப்பள்ளி உள்ளது. இந்த பள்ளியின் சுற்றுச்சுவர் முன்பாக சுற்றுவட்டார பகுதியில் உள்ளவர்கள் குப்பைகளை கொட்டி வருகின்றனர். இதனால் தற்போது பள்ளியின் முன் குப்பை அதிக அளவில் தேங்கி கிடக்கிறது. இதன்காரணமாக பள்ளி மாணவர்களுக்கு சுகாதாரமற்ற சூழல் உள்ளது. குப்பையிலிருந்து வரும் துர்நாற்றம் காற்றில் பரவி வகுப்பில் அமர்ந்திருக்கும் மாணவர்களுக்கு இடையூறை ஏற்படுத்தி வருகிறது. மேலும் கொசுத்தொல்லையாலும் மாணவர்கள் அவதிப்படுகின்றனர். எனவே இனியும் பள்ளியின் முன்பாக குப்பைகள் கொட்டப்படுவதை தடுக்க மாநகராட்சி நிர்வாகம் நடவடிக்கை எடுக்குமா?.