குப்பைகளால் நோய் பரவும் அபாயம்

கரூர் சின்னாண்டாங்கோவில் அமராவதி ஆற்றுப்பகுதியில் பிளாஸ்டிக் பைகள், வீட்டு உபயோக கழிவு பொருட்கள் உள்ளிட்ட பல்வேறு பொருட்கள் கொட்டப்பட்டு குப்பைகளாக காட்சியளிக்கிறது. இதனால் இப்பகுதியில் கடும் துர்நாற்றம் வீசுகிறது. மேலும் இவற்றில் இருந்து கொசுக்கள் அதிக அளவில் உற்பத்தியாகி நோய் பரவ அதிக வாய்ப்பு உள்ளது. எனவே இப்பகுதியில் உள்ள குப்பைகளை அகற்றி, தூய்மைப்படுத்த சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.