குப்பைகள் அகற்றப்படுமா?

நாகை மாவட்டம் நாகூர்-நன்னிலம் சாலை பனங்குடி ஆற்றுப்பாலம் அருகே குப்பைகள் குவிந்து கிடக்கிறது. இறைச்சி கழிவுகளையும் மர்மநபர்கள் வீசிச்செல்கின்றனர். இதனால் அந்த பகுதி முழுவதும் துர்நாற்றம் வீசுகிறது. இதன்காரணமாக பொதுமக்கள், வாகன ஓட்டிகள் மூக்கை மூடியபடி சென்று வருகின்றனர். குவிந்து கிடக்கும் குப்பைகளால் சுகாதார சீர்கேடு ஏற்பட்டு தொற்று நோய் பரவும் அபாயம் ஏற்பட்டுள்ளது. எனவே, சம்பந்தப்பட்ட அதிகாரிகள் குப்பைகளை அகற்ற நடவடிக்கை எடுப்பார்களா?